ADZESUA 1
Mbue-Enyim Asɛm A Otu Mpon
Ndwuma 17:22
DZA ƆSƐ DƐ EYƐ: Ɔsɛ dɛ wo mbue-enyim asɛm no kenyan enyigye, ɔda w’asɛntsir no edzi, na ɔkyerɛ siantsir a ɔsɛ dɛ w’etsiefo no enyi gye asɛm no ho.
MBRƐ IBESI AYƐ NO:
-
Kenyan enyigye. Paw asɛmbisa, asɛntɔw, asetsena mu suahu anaa asɛm bi a wɔkãe wɔ amandzɛɛbɔ bi mu a w’etsiefo no enyi bɛgye ho.
-
Da w’asɛntsir no edzi. Hwɛ hu dɛ, wɔ wo mbue-enyim asɛm no mu no, ebɛma w’asɛm no n’asɛntsir nye ne tsirmpɔw no mu ada hɔ ama w’etsiefo no.
-
Ma wonhu siantsir a asɛntsir no ho hia. Ma dza ebɛkã no mfa w’etsiefo no hɔn ehiadze ankasa ho. Siantsir a dza erekã ho asɛm no bɔboa w’etsiefo no wɔ hɔn asetsena mu no, ma wɔntse ase pefee.
