Nsu tɔr adaduanan, adzekyee nye adzesaa ma oyirii faa asaase nyinara do. Ndzebɔnyɛfo no nyinara wuwui.

Abɔfo etũatsewfo no daan hɔnho esunsum kɔr sor, na wɔbɛyɛɛ esunsum fĩ anaadɛ abɔfo bɔn.

Hɔn a wɔwɔ Noah adaka no mu no nyaa nkwa. Ɔwɔ mu dɛ ekyir yi Noah nye n’ebusua no wuwui dze, naaso Nyankopɔn bɛsan eenyan hɔn, a wɔwɔ enyidado dɛ wɔbɛtsena ase daa.

Satan nye n’abɔfo bɔn no kɔ do ara daadaa nyimpa.

Hɛn aber yi do so, nyimpa pii pow Jehovah N’akwankyerɛ a ɔdɔ wɔ mu no tse dɛ Noah n’aberdofo no ara pɛr. Ɔrennkyɛr, Jehovah bɛsɛɛ ndzebɔnyɛfo nyinara bio.​—2 Peter 2:5, 6.

Nyimpa binom yɛ hɔn adze tse dɛ Noah. Hɔn nye Jehovah Adasefo, wotsie Nyankopɔn na wɔyɛ dza ɔkã nyinara.