Ena ika30 ni Epereli, 2019, e sisi na qele ena yasayasa o La Paz, e Bolivia, qai vakacacana e dua na iwase levu ni vanua e San Jorge Kantutani. Era tokitaki gona e vica vata na drau era vakaitikotiko kina.

E sega ni dua na tacida e vakaleqai se mavoa, ia e ripotetaka na valenivolavola ni tabana e Bolivia, ni rua nodrau vale na tacida e vakacacani sara ga vakadua. E le 11 tale na tacida e sega ni vakacacani vakalevu nodra vale.

Ena veidusimaki ni valenivolavola ni tabana, era veivuke vakayago, vakayalo tale ga na Komiti ni Vakacoko, ivakatawa ni tabacakacaka, kei ira na qase ni ivavakoso. Era sa qaqarauni tale tu ga na tacida e keri ke tau tiko ga na uca, qai sisi tale na qele.

Eda vakavinavinaka ni sega ni dua na tacida e mavoa, era sa vukei tale tiko ga.—Kalatia 6:10.