Era le 50 na lewe ni vuvale e Peceli era veiqaravi tiko ena siti o Douala, e Cameroon. Era na qai tawana na nodra valenivolavola ni tabana vou ena yasayasa o Logbessou, me sosomitaka na valenivolavola e tiko ena gauna qo ena yasayasa o Bonabéri. Na kena tara tale e dua na valenivolavola ni tabana e ivakadinadina ni tubu tiko na cakacaka vaKarisito e Cameroon. Qo na vanua era tiko kina ena iVakananumi ni mate i Karisito e sivia na 100,000 ena 2017, e vakaruataki tale na iwiliwili ni dautukutuku.

Na vanua e caka kina qo na tarataravaki e toka tikiva ga e dua na Vale ni Soqoni Lelevu. Era sa tekivutaka tiko na bolecakacaka na kena yavu. Ni sa na oti na tarataravaki na kena irairai ena vaka ga na tabavale era tiko ena vanua qori, ia ena tiko tani ga na valenivolavola me vaka ga e laurai toka e cake. E lalawataki tiko mera na toki kina na lewe ni vuvale e Peceli ena icavacava ni 2019.

E kaya o Gilles Mba e dua na lewe ni vuvale e Peceli e Cameroon, e veiqaravi tiko ena Tabana ni iTukutuku, “e vakasakiti dina na nodra bolecakacaka e vica vata na udolu na mataveitacini mera veivuke ena tarataravaki ra qai vakaraitaka na ivakarau ni rai i Aisea.” (Aisea 6:8) E kaya tale ga, “na cakacaka vakatubuqoroqoro qo e vakauqeti keimami kece na veiqaravi tiko ena valenivolavola ni tabana. Keimami sa rai vakanamata tiko ena kena vakayagataki na valenivolavola vou qo me vaka na inaki e vakatabui kina, oya me lagiti ga kina na yaca i Jiova.”