Ena ika16 ni Maji, 2019, dua na ka na bisa ni uca ena yasana o Papua e Idonisia. E waluvu kina na vanua ra qai mate e sivia na le 100 na lewenivanua, e levu tale ga na vale era vakacacani vakadua.

E ripotetaka na valenivolavola ni tabana e Idonisia nira vakaleqai e levu na tacida era vakaitikotiko ena tauni e Sentani, e toka ena yasana o Papua. E ka ni rarawa ni dua na tacida tagane e mate ni kuitaki nona vale ena waluvu. E vakacacani tale ga vakadua e tolu nodratou vale na tacida. Era sa tokitaki e sivia na le 40 na tacida, e levu vei ira qori era sa tiko kei ira na mataveitacini. Sa tauyavutaki e dua na Komiti ni Vakacoko me veivuke ena vakacoko. Era sa sikovi ira na vakaleqai na mata mai na valenivolavola ni tabana, kei na ivakatawa dauveilakoyaki mera veivakayaloqaqataki qai veivakacegui vakayalo. Era sa dikeva tale ga na veika me vakarautaki kei na sala mera vukei kina na tacida.

Meda nanumi ira tiko ga ena masu na tacida kece era vakaleqai ena leqa tubukoso qori. Eda rai vakanamata ena gauna se bera mai ni na “tiloma vakadua” o Jiova “na mate,” qai “qusia na wainimata mai na matadra kece.”—Aisea 25:8.