5 EPERELI, 2019
NIGERIA
‘Marautaki Vakalevu’ na Sevutaki ni New World Translation ena Rua na Vosa vakaNigeria
Ena ika12 ni Janueri 2019, e vakayacori e dua na soqo lavotaki ena Vale ni Soqoni Lelevu e Benin City, e Nigeria. E sevutaka kina o Geoffrey Jackson, e lewe ni iLawalawa Dauvakatulewa, na New World Translation of the Holy Scriptures ena vosa vakaIsoko kei na vosa vakaYoruba. Era le 60,672 taucoko era sema mera vakarorogo ena porokaramu. Qo e wili kina e 106 na Vale ni Soqoni, ciwa na Vale ni Soqoni Lelevu e Nigeria, kei na veivanua voleka e Benin.
Brother Jackson kei na dua na vuvale ena Vale ni Soqoni Lelevu e Benin City, e Nigeria
E kaya o Brother Gad Edia ena valenivolavola ni tabana e Nigeria: “E tolu na yabaki, rua na vula na kena vakadewataki tiko na itabataba ni iVolatabu ena vosa vakaIsoko kei na vosa vakaYoruba. E sivia na le 5,000 na tacida era vosa vakaIsoko, e sivia tale ga na le 50,000 era vosataka qai wilika na vosa vakaYoruba. Dua na ka nodra ‘marautaka vakalevu’ na tiko ena soqo nodra iVolatabu vou. Eda vakadeitaka ni yaga dina na sasaga qo!”
Me yacova mai nikua, era sa vakadewataka taucoko se vakatikina na New World Translation na iVakadinadina i Jiova ena 179 na vosa.
Eda marautaka nira sa rawa ni wilika na tacida, ra vulica tale ga na iVolatabu ena rua na vosa qori.—2 Timoci 3:17.
Rawa ni o Wilika Tale ga
TARO E TAROGI WASOMA
E Tiko Nomuni iVolatabu na iVakadinadina i Jiova?
E rawa ni o vakavinakataka na ivakarau ni nomu vuli ni o vakayagataka e levu na vakadewa ni iVolatabu. Qo e tolu na tikina mo kila tiko me baleta na iVolatabu na Vakadewa ni Vuravura Vou.
