15 OKOSITA, 2019
POLADI
Warsaw, e Poladi 2019—“E Sega Vakadua ni Seavu na Loloma”! Soqo ni Veimatanitu
Tikinisiga: 9-11 Okosita, 2019
Vanua: Municipal Stadium of Legia Warsaw and Torwar Hall, e Warsaw, mai Poladi
Vosa e Vakayagataki: Vosa Vakavalagi kei na vakaPoladi
iWiliwili: 32,069
Papitaiso: 190
Vulagi: 6,892
Valenivolavola ni Tabana Era Sureti: Urope e Loma, Chile, Ecuador, Finiladi, Varanise, Georgia, Hungary, Japani, Korea, Moldova, Romania, Ukraine, Merika
iVakaraitaki e Yaco Dina: E vola o Mr. Kamil Kaźmierkiewicz, na manidia levu ni otela na Four Points by Sheraton Warsaw Mokotów (dua vei ira na otela era vakaicili kina o ira na sureti): “E totoka na ivakaraitaki ni nomuni veitokoni. Au diva ga me levu noqu vulagi era dau yalovinaka, me donu tale ga nodra rai vakataki kemuni. Laurai levu nomuni veilomani kei na duavata. . . . Au vakacaucautaki kemuni sara ga ena vuku ni soqo e cicivaki vinaka qo.”
E kaya tale ga o Mr. Kamil Lubański, na itaukei ni kabani ni basi na KL Team, e vakarautaka nodra veitosoyaki na tacida: “Tekivu ena gauna se qai veivosakitaki kina na basi, au vakila na vakacegu kei na marau niu cakacaka vata kei kemuni. Oni dau tuvatuvanaki vakamatau, oni kila tale ga na ka oni cakava. E tuvanaki qai vakarautaki vinaka sara ga na soqo levu qo. Sa qarava oti noqu kabani e levu na tamata rogo, kei na soqo lelevu ni matanitu e veiyasa i vuravura kei na so tale na vanua vakaUrope, e tuvanaki tale ga ena kena ivakatagedegede vinaka duadua. Ia e tu tu yadua meu raica na kena e vakarautaki qai tuvanaki vinaka va qo. Kena ilutua, era taleitaka vakalevu na cakacaka vata kei kemuni o ira na draiva kei ira eso tale era cakacaka eke. Keimami nuitaka nida na cakacaka vata tale ena dua na gauna se bera mai.”
Kidavaki tiko e raraniwaqavuka o ira na tacida era sureti yani
Gole tiko ena vanua ni soqo ena mataka ni Vakaraubuka o ira na lai vakarorogo
Laurai toka e macawa e dua na vanua ni soqo e Municipal Stadium of Legia Warsaw
Solia tiko o Brother Gerrit Lösch, e lewe ni iLawalawa Dauvakatulewa, na iotioti ni vunau ena Vakaraubuka
Le tolu ratou papitaiso na Vakarauwai
Era vakarorogo matua na mataveitacini ni vakacagau tiko na porokaramu
Toka ena taudaku ni vanua ni soqo eso na vulagi ra tokara tu nodra isulu ni vanua
Era lagata na iotioti ni sere ena Sigatabu, o ira na veiqaravi lavotaki vakatabakidua kei ira na kena vo
Eso na tacida yalewa era lagasere vei ira na vulagi ena bogi ni veivakamarautaki
Era meke vakapoladi na tacida ena bogi ni veivakamarautaki
Rawa ni o Wilika Tale ga
BALETI KEIMAMI
Tiko ena Soqo ni 2024—“Tukuna na iTukutuku Vinaka!”
Oni sureti moni tiko ena nodra soqo siga tolu na iVakadinadina i Jiova.
