Na levu ni katakata kei na mamaca ni vanua e yaco kina na kama rerevaki duadua e bau volatukutukutaki e Potukali. Era mate kina e 64 na lewenivanua ena vula o June, era mate e le 45 ena Okotova. Ena vula tiko ga qori e tukuni ni yaco kina e 523 na kama. E kaya na European Union Emergency Management Service, na kama ena yabaki qo e vakacacana e rauta ni 1.3 na milioni na eka ni vanua, qori e vakaonotaki na 205,000 na eka ni vanua e vakayagataka na matanitu me rawailavo kina ena dua na yabaki.

E kaya na valenivolavola ni tabana e Potukali ni kama qori e mate kina e dua na tacida kei na vugona tagane yabaki va. E vakacacani qai kamayavu tale ga na nodra vale e vica na tacida, wili kina nodra iteitei, iyaya ni teitei, kei na vica nodra manumanu. Era veivuke sara tiko vakalevu na mataveitacini e Potukali ena nodra vukei na tacida era vakaleqai. Qori na kena samaki na vanua e vakacacani, vagalalataki na kau kei na so tale na ka e dau vo ni oti na kama.

E tauyavutaki e dua na Komiti ni Vakacoko me vakarautaka na veivuke e vinakati. Erau tomani ira tale ga na ivakatawa dauveilakoyaki kei na qase ni ivavakoso e rua na lewe ni Komiti ni Valenivolavola ni Tabana e Potukali ena nodra sikovi qai vakayaloqaqataki na mataveitacini.

Meda nanumi ira ena noda masu na tacida e Potukali ni na vakarautaka o Jiova na veika era gadreva mera vukei qai vakacegui ena ituvaki era sotava.—Same 71:21.

Gusunivosa:

Veiyasa i Vuravura: David A. Semonian, Valenivolavola ni iTukutuku, +1-845-524-3000

Portugal: João Pedro Candeias, +351-214-604-339