Ena Me 2019, rau beitaki vakailasu o Sister Kaleriya Mamykina, e yabaki 78 e vakaraitaki toka e cake, kei Sister Valentina Makhmadgaeva, e yabaki 71, ni rau basulawa ena yasayasa o Arkhangel’sk kei Volgograa. Era veivaqaqai tiko na vakailesilesi ni rau vakavuna na “tiko yavavala.”

Ena Epereli 2018, ratou beitaki tale ga ni ratou basulawa o Sister Yelena Zayshchuk, e yabaki 84, kei na le va na tacida vei ira na vakailesilesi ni siti o Vladivostok. E le tini taucoko na tacida yalewa, kei na tacida tagane itabaqase era yabaki 70 vakacaca era sa beitaki tiko nira basulawa.

Se bera ni dua vei ratou e vesu, ia ena rairai vaka vu nuiqawaqawa vei ratou na ituvaki qori. Ke tomani na veivaqaqai qai vakatulewataki ni ratou cala, ratou na sauma e dua na ilavo levu se curu e valeniveivesu.

Ena ika17 ni June, 2019, sa 215 na kedra iwiliwili na tacida era beitaki vakailasu nira basulawa, ia se tubu tiko ga na wiliwili qori. Meda nanumi ira mada ga na tacida qori, da qai cavuta sara ga na yacadra nida masulaki ira. Eda nuidei ni na solia o Jiova vei ira “nona kaukaua levu,” mera “vosota kina na ka kece ena vosovoso kei na marau.”—Kolosa 1:11.