JULAI 8, 2022 | IROGO VOU: ME 13, 2024
RUSIA

IROGO VOU—VESU NA TACIDA | Na Masu e Vakaukauataki Ratou na Tacida

SARAVA/ROGOCA

Ena ika13 ni Me 2024, e kaya na mataveilewai na Pervomayskiy District Court of Izhevsk mai Rusia, ni ratou cala o Brother Sergey Ashikhmin, Brother Maksim Derendyaev, kei Brother Aleksandr Kutin. Ratou na vesu me tolu na yabaki e valeniveivesu. Ni tau oti ga na lewa ratou sa kau me ratou lai vesu.

Veitaravi ni Gauna

Epereli 14, 2021

Vaqaqara na vakailesilesi na FSB ena 12 nodra vale na tacida. E vakatarogi o Sergey me vitu na aua. Rau vesu tale ga o Maksim, kei Aleksandr
Epereli 15, 2021

Rau wawa veilewai o Maksim kei Aleksandr
Epereli 29, 2021

Sere o Aleksandr
Me 14, 2021

Vakatatabutaki e vale o Aleksandr
Julai 9, 2021

Sere o Maksim, qai vakatatabutaki e vale
Maji 14, 2022

Ratou tekivu veilewaitaki

Kedratou iTukutuku

Aleksandr Kutin

Sucu: 1982 (Izhevsk)

Me baleti koya: E dau tuki kaukamea (welder)

Ni vulica oti na veika me baleti Jisu, e vinakata sara ga me bulataka. Papitaiso sara ena 2002. Rau vakamau kei Guzel ena 2018

Ka e Tukuna

O marau tiko ga vakacava ni o vesu tu?

Gauna au vesu kina e kau tani kece vei au na ka au mareqeta, ya na noqu vuvale, na soqoni, noqu iVolatabu kei na noqu ituvatuva mada ga. E vale, au dau yadra ena veimataka vakarautaka na ti se kofi, wilika qai veivosakitaka kei watiqu e dua na tikinivolatabu. Au sega ni tadra ni na kau tani kece vei au qori. Ia au liaca ni dua na ka era sega ni kauta tani vei au, ya na masu. Niu masu, au vakila sara ga ni vakaukauataki o Jiova me rawa niu marau tiko ga, qai kua ni yalolailai.

Au rawa tale ga kina ni vunau . . . Niu vesu tu kei na vitu tale, ratou dau taroga na vuna au vesu kina. Au dabe qai vakamacala vei ratou. Gauna qori au vakila sara ga nona vukei au o Jiova meu yaloqaqa, qai lomavakacegu. Au masu lo vei Jiova qai vakavinavinaka vua.

Ratou nuitaki Jiova tiko na tacida ni ratou vosota na veika tawadodonu, ni yalataka: “Mo kua ni rere niu tokoni iko.”—Aisea 43:5.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU