JULAI 28, 2022
RUSIA

IROGO VOU—VESU O ALEKSANDR | Era Veitokoni na iTokani Nuitaki

SARAVA/ROGOCA

Ena ika15 ni Noveba 2022, e kaya na mataveilewai na Oktyabrskiy District Court of Novosibirsk mai Rusia, ni cala o Brother Aleksandr Seredkin. E totogitaki tale ga me 6 na yabaki e valeniveivesu. Ni tau oti ga na lewa sa kau me lai vesu.

Veitaravi ni Gauna

Epereli 19, 2019

Beitaki ni dau basulawa
Epereli 21, 2019

Vakatatabutaki e vale
Me 8, 2019

Okati na yacana ena lisi ni lewenivanua era vakavuna na tikoyavavala
Maji 2, 2022

Tekivu veilewaitaki

Kena iTukutuku

Aleksandr Seredkin

Sucu: 1954 (Verkhniy Naymangut, Yasayasa o Irkutsk)

Me baleti koya: Vuli ena dua na koronivuli ni vuli cakacaka, e dau draivataka tale ga na katavila

Rau vakamau kei Svetlana ena 1983

A vulica i liu o Svetlana na iVolatabu kei ira na iVakadinadina i Jiova. Nona wasea vei Aleksandr na ka e vulica me baleta na parofisai ena Vakatakila, qori e uqeti koya me via vuli tale ga. Rau papitaiso ena 1995

Ka e Tukuna

Sala cava e tokoni iko kina o Jiova?

E vakarautaka vei au o Jiova na mataveitacini era itokani nuitaki. E uqeti au vakalevu noqu dau vakasamataka nodra tokoni au kei na noqu vuvale. Au vakadinadinataka kina ni o Jiova e vakayagataki ira mera vakayaloqaqataki keitou. Dina e leqataki kina na nodra bula, ia era sega ni cegu nodra dau uqeti keitou, era vukei keitou tale ga.

Eda marautaka nira tomana tiko ga na tacida nodra ‘veivakayaloqaqataki kei na veivakauqeti.’ E vakacaucautaki ga kina o Jiova.—1 Cesalonaika 5:11.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU