Ena ika18 ni Okotova 2019, e sere o Brother Dmitriy Barmakin ni wawa veilewai tu e valeniveivesu me 447 na siga. Sa vesu tiko ena gauna qo e vale. Sa lai sota tale kei watina o Yelena, e 13 na yabaki nodrau veiwatini tu.

Ena ika28 ni Julai 2018, e vesu o Brother Barmakin ni gade tiko vei bubu nei watina sa yabaki 90. Era mani basuka na vale rau tiko kina na ovisa era vakaiyaragi tu qai vakamatavulo. E beitaki o Brother Barmakin ni vakaitavi ena ka vakalotu ni iVakadinadina i Jiova. E kaya na Mataveilewai e Vladivostok me wawa veilewai e valeniveivesu me rua na vula o Dmitriy Barmakin. Oti, e kaya na mataveilewai me toso tale nona wawa veilewai.

Ni rogoci tiko e dua nona kisi, e kaya na mataveilewai ni cala nona vakaitavitaki koya ena ka ni lotu, e “beca kina na lawa ni yavu ni vakavulewa kei na kena taqomaki na matanitu.” Na veibeitaki vakailasu qori e veicalati sara ga kei na Article 28 ni Constitution of the Russian Federation, ni tu vei keda na dodonu meda “tukuna vei ira eso tale na ka eda vakabauta meda muria tale ga.”

Eda marau ni tukuna na Turaganilewa o Stanislav Salnikov ena Mataveilewai e Vladivostok me sere o Brother Barmakin. Ia se vaqaqai tiko na nona kisi.

Eda nuitaka ni na vakayaloqaqataki ira tiko ga na tacida e Rusia o Jiova, vakabibi o ira na vesu tu e valeniveivesu, kei ira na vesu tu e vale. E dua vei ira qori o Brother Barmakin, e ivakaraitaki vinaka ni yaloqaqa kei na yalodina vei ira na vo ni tacida e veiyasa i vuravura.—Filipai 1:13, 14.