SEVITEBA 18, 2023
RUSIA

Vesu me va na Yabaki na Tacida Yabaki 71

SARAVA/ROGOCA

Ena ika13 ni Seviteba 2023, e kaya na mataveilewai na Belogorsk City Court of the Amur Region e Rusia ni cala o Brother Vladimir Balabkin qai totogitaki me vesu me va na yabaki. E vesu ni tau oti ga na kena itotogi.

Kena iTukutuku

Vladimir Balabkin

Sucu: 1952 (Belogorsk)

Me baleti koya: E cakacaka ena sala ni vakau itukutuku ena dua na kabani sitima. E sa cegu ena gauna qo

Rau vakamau kei Tatyana ena 1972. Rua na luvedrau tagane

Vulica e liu na iVolatabu o Tatyana qai papitaiso ena 1994. E tataleitaki o Vladimir ni oti nona mai kila na yaca i Jiova. Papitaiso me iVakadinadina o Jiova ena 1995

Ka e Tukuna a

Cava o vulica ni o sotava na ituvaki qo? b

Au vulica ni bibi meda nuitaki Jiova vakalevu kei na nona isoqosoqo. Meu kua ni nuitaki au se na ka au kila. Au vakadeitaka ni na yaga tu ga na nona ivakasala o Jiova qai yaco donu mai se mani ituvaki cava au sotava. Au vulica ni sa qai yaga tiko ga vakalevu na masu. Au lomaleqa ni bera niu vakatarogi se niu rairai ena veilewai. Ia ena veigauna kece au masu oti kina, au dau vakila na lomavakacegu. Au vulica gona meu dau vakamatatataki noqu masulaka na kequ ituvaki se niu masulaki ira eso tale.

Eda vakavinavinakataka na nona ivakaraitaki ni nuitaki Jiova vakaoti o Vladimir qai nuidei ni na vakaukauataki koya tiko ga qai solia vua na vakacegu.—Same 29:11.

Veitaravi ni Gauna

Maji 2, 2021

Tekivu vaqaqai
Maji 4, 2021

Caka na vaqaqara ena nona vale
Me 18, 2023

Tekivu veilewaitaki
Seviteba 13, 2023

Totogitaki me vesu me va na yabaki

a b E vakatarogi o Brother Balabkin ni bera nona vesu.

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU