JUNE 21, 2017
RUSIA
Vidio ni Nodra Vakacaca na Vakailesilesi e Rusia
NIU YOKA—E tabaka e dua na kabani ni itukutuku ena Central Federal District e Rusia na glavny.tv, e dua na vidio e vakaraitaki kina nodra vakacaca na vakailesilesi na Federal Security Service (FSB). A yaco qori ena ika25 ni Me, 2017 ena gauna era lotu tiko kina na iVakadinadina i Jiova e Oryol, e dua na korolevu mai Rusia.
Era vakacaca na vakailesilesi ni Rusia, e Oryol ena ika25 ni Me, 2017, ena nodra soqo ni lotu na iVakadinadina i Jiova.
E vakaraitaki tale ga kina nona veivosaki tiko kei ira na vakailesilesi e dua na turaga ni Denmark o Dennis Christensen e dua na iVakadinadina i Jiova. E mani vesu ena gauna era vakacaca kina na vakailesilesi, qo se waraka toka e valeniveivesu nona veilewai.
Ratou veitalanoa tiko e dua na vakailesilesi ni FSB, o Dennis Christensen na turaga ni Denmark, kei na dua na ivakatawa ena ivavakoso. Ena ika25 ni Me, 2017 e vesuki Dennis na FSB.
E kaya o David A. Semonian na mata ni iVakadinadina i Jiova ena nodra itikotiko liu: “E vakaraitaki ena vidio ya nodra sega ni dau vakavu veivala na iVakadinadina i Jiova ena gauna era veivakarerei kina na vakailesilesi se ni tarovi nodra veivosakitaka na iVolatabu. Na veika e caka qori vei ira na iVakadinadina i Jiova ena tomani tiko ga ke sega ni veisautaka na Mataveilewai Cecere e Rusia na veika e vauca na galala ni sokalou. Dua na ka na neimami nanumi Dennis Christensen ena nona vesu vakatawadodonu qai vakatabui me sikovi se me qiriti koya mada ga o watina. Keimami nuitaka ni na sereki totolo.”
Gusunivosa:
David A. Semonian, Valenivolavola ni iTukutuku, +1-845-524-3000
Rawa ni o Wilika Tale ga
ITUKUTUKU VOU
Vidio ni Nodra Vakacaca na Vakailesilesi e Rusia
Era vakacaca na ovisa era vakaiyaragi kei ira na vakailesilesi ni Federal Security Service (FSB) ena gauna era lotu tiko kina na iVakadinadina i Jiova e Oryol, Rusia, ena ika25 ni Me 2017.
ITUKUTUKU VOU
Era Vesuka na Ovisa ni Rusia e Dua na Turaga ni Denmark e iVakadinadina i Jiova
Era vakacacani ira na iVakadinadina i Jiova e Rusia na vakailesilesi ni matanitu kei ira na dauvakacaca.
ITUKUTUKU VOU
Sega ni Duavata Kei Ira na iVakadinadina i Jiova na Vakatulewa ni Mataveilewai Cecere e Rusia
Era kerekere tale na iVakadinadina i Jiova me rogoci tale na nodra kisi ni kena vakatatabutaki na Valenivolavola ni iVakadinadina i Jiova e Rusia.
ITUKUTUKU VOU
Ena Rogoci ena Mataveilewai Cecere e Rusia Nodra Kerekere na iVakadinadina i Jiova ena Julai 17, 2017
Era kerea na iVakadinadina i Jiova me veisautaki na lewa kece sa tau oti. Era kaya ni lasu na ivakadinadina, era sega tale ga ni dau vakavuna na tikoyavavala.