Na yabaki 2023, e sa ika75 ni yabaki nodra vakadewataka na iVakadinadina i Jiova na ivola vakaivolatabu ena vosa vakaSinhala. E vosataki vakalevu e Sri Lanka na vosa qori.

Ena gauna e veiliutaki kina e Sri Lanka o Peritania, e dau vakadewataki ga vakavalagi na ivola vakaivolatabu. Ia ena 1948, e sevutaki na noda ivola vakaivolatabu The Joy of All the People ena vosa vakaSinhala. Ni oti e dua na yabaki na kena sevutaki na ivola qori, e vakaruataki na kedra wiliwili na dautukutuku mai na 12 ina 25.

Ena 1953, sa vakadewataki tale ga ena vosa vakaSinhala na ivola lailai na Basis for Belief in a New World, kei na ivola The Truth Shall Make You Free. Ni oti tale e vica na yabaki ena Maji 1958, e yaco e dua tale na ka bibi ena cakacaka ni vakadewa. E sevutaki na imatai ni ilavelave ni Vale ni Vakatawa ena vosa vakaSinhala.

E dua tale na ka e yaco ena 2009. E sevutaka o Brother Stephen Lett na Vakadewa ni Vuravura Vou ena vosa vakaSinhala.

E kaya e dua na tacida tagane: “Ena gauna au ciqoma kina noqu iVolatabu ena vosa vakaSinhala, dua na ka noqu vakavinavinaka vei Jiova. E rawarawa noqu kila na sala meu muria kina na ka au vulica ena iVolatabu, ni rawarawa qai matata na ivakadewa ni iVolatabu vou qo.”

Eda raica ni o Jiova e vakalougatataki ira na le 4,839 na dautukutuku ena 63 na ivavakoso vakaSinhala, wili kina o ira na le 7,121 na dautukutuku e Sri Lanka. Eda vakadeitaka ni o Jiova ena vakalougatataki ira tiko ga na vosataka qai vakavulica na “vosa savasava.”—Sefanaia 3:9.