Era gumatua na iVakadinadina i Jiova ena nodra vukei o ira era lotu vata kei ira tale eso era vakaleqai ena waluvu kei na sisi ni qele e vakacaca ena ceva kei na ra kei Sri Lanka. A tekivu qori ena uca e se tekivu tau voli mai ena ika26 ni Me. Ena itukutuku e kumuni rawa, era mate e sivia e 200 qai sega na nodra itikotiko e sivia 77,000 vakacaca.

E vakatura sara na valenivolavola ni iVakadinadina i Jiova e Sri Lanka e rua na komiti ni leqa tubukoso me qarava na ka era gadreva tu na sivia na 100 na iVakadinadina e tarai ira na waluvu, e okati kina na kena vakarautaki na kakana kei na vanua mera vakavaletaki kina o ira na sega nodra itikotiko. E tukuni ni sega ni dua na iVakadinadina e vakaleqai ena vakacaca ni leqa tubukoso.

E veitokoni sara tiko vakalevu na iLawalawa Dauvakatulewa ni iVakadinadina i Jiova ena cakacaka ni vakacoko mai na tikotiko liu e Niu Yoka ena nodra cau na iVakadinadina i Jiova me baleta na cakacaka e vuravura raraba.

Gusunivosa:

Veiyasa i vuravura: David A. Semonian, Office of Public Information, +1-845-524-3000

Sri Lanka: Nidhu David, +94-11-2930-444