Ni yaco tiko na ivalu ena yasayasa o Donetsk e Ukraine, e gole vakavica vata o Brother Mykola Bozhedomov e yabaki 58, me lai vukei ira eso na tacida.

Ia ena ika8 ni Epereli 2022, e mate o Mykola ni kacabote na bomu ena ikelekele ni sitimanivanua e Kramatorsk ena yasayasa o Donetsk.

Era mate e sivia na le 50 wili kina o Mykola, kei na dua na tacida yalewa. Era mavoa e sivia na le 100, wili kina e dua na tacida tagane. Era kaya eso na tacida nira rogoca vakarua na kacabote, qai robota na vanua na tiki ni kaukamea.

O Nina na wati Mykola, e yabaki 32. E kaya: “Dau kauaitaka o watiqu na ka era gadreva eso tale. E vinakata me vukei ira na itabaqase kei na tacida tautauvimate. Ia gauna kece e lesu mai kina i Kramatorsk, sa qai vakadomobula ga na ituvaki. Dodonu me iotioti ni nona gole qo.”

Rau papitaiso na veiwatini ena 1997. E vica vata na yabaki nona qase ni ivavakoso tu o Mykola. Dua na ka nodra tokoni Nina na tacida, era lomani koya tale ga. E kaya o Nina: “E vakacegui au na nodra vosa ni veivakayaloqaqataki.”

E kaya tale ga o Nina ni vakacegui koya na Aisea 40:28-31. E tomana: “E vakaukauataki tale o Jiova. Au vakila nona loloma ena levu na sala. I liu, au dau wilika tu ga ena ivola na nona ivakaraitaki ni loloma, ia qo au vakila sara ga nona loloma.”

Meda nanumi Nina ena noda masu, kei ira kece na tacida e mate na wekadra lomani ena ivalu qori. Eda kila ni o Jiova ena vakaukauataki ira tiko ga.—Same 20:2.