Ena ika11 ni Seviteba 2024, e vakavuna na cagilaba o Boris na bi ni uca kei na cagi kaukaua ena so na vanua e Urope e Loma. Ena ika12 ni Seviteba, e vakacaca na cagilaba qori ena ceva kei Poladi, qai dua na ka na bi ni uca ena loma ni vica ga na aua e waluvu kina e levu na tauni. E vakacacani na veivale qai vica vata na udolu e boko na nodra livaliva. Ena ika13 ni Seviteba, e tau bi tale ga na uca ena vualiku kei Czech Republic qai vakacacani kina na veivale, gaunisala kei na wavu.

Ena ika14 ni Seviteba, e waluvu e levu na vanua e Romania ena vuku ni tau bi ni uca. E rauta ni 5,000 na vale era vakacacani, qai kacabote e rua na ilatiniwai ena Galați County. Ena ika18 ni Seviteba, e vakacaca na cagilaba o Boris ena vualiku kei Itali. Dua na ka na bi ni uca ena loma ga ni 48 na aua e vakavuna me luvu na veiuciwai.

Na cagilaba kaukaua qo e vakavuna mera tokitaki e vica vata na udolu mai na va na vanua qori, qai rauta ni le 19 era mate.

Czech Republic

• Sega ni dua na tacida e mate se mavoa

• Tokitaki e 79 na dautukutuku

• Vakacacani vakalevu e 12 na vale

• Vakacacani vakalailai e rua na vale

• Vakacacani vakalevu e dua na Vale ni Soqoni

• Vakacacani vakalailai e dua na Vale ni Soqoni

Itali

• Sega ni dua na tacida e mate se mavoa

• Tokitaki e 63 na dautukutuku

• Vakacacani vakalevu e vitu na vale

• Vakacacani vakalailai e 21 na vale

• Vakacacani vakalevu e dua na Vale ni Soqoni

• Vakacacani vakalailai e va na Vale ni Soqoni

Poladi

• Sega ni dua na tacida e mate se mavoa

• Tokitaki e 87 na dautukutuku

• Vakacacani vakalevu e 61 na vale

• Vakacacani vakalailai e 85 na vale

• Vakacacani vakalevu e rua na Vale ni Soqoni

• Vakacacani vakalailai e walu na Vale ni Soqoni

Romania

• Sega ni dua na tacida e mate se mavoa

• Tokitaki e dua na dautukutuku

• Vakacacani vakalevu e rua na vale

• Vakacacani vakalailai e lima na vale

• Sega ni vakacacani e dua na Vale ni Soqoni

• Tuvanaki e ono na Komiti ni Vakacoko me qarava na nodra vukei na tacida

• Era veivakayaloqaqataki na ivakatawa ni tabacakacaka kei ira na qase ni ivavakoso vei ira na vakaleqai ena waluvu, era vakarautaka tale ga na ka ni veivuke

Meda masulaki ira tiko ga na tacida era vakaleqai ena waluvu qo, da qai nuidei ni o Jiova ena vakacegui ira qai tokoni ira tiko ga.​—Aisea 40:11.