Ena ika9 ni Noveba 2022, era vakadonuya na ivakalesilesi ni taoni e Ramapo me veisautaki na lawa ena kena vakayagataki na noda itikotiko vou e Ramapo. Ena rawa ni kerea kina na veivakadonui na Komiti ni Tarataravaki na Construction Project Committee (CPC) qai tekivu na tarataravaki. a

Kena ikuri, e veisautaka vakalailai e dua na kabani ni tarataravaki na gaunisala e gole ina itikotiko. Era veivuke tale ga na tacida mera vakavinakataka e dua na ikawakawa vatu ena gaunisala qo. Qori e okati kina na kena vakarabailevutaki na kawakawa, me kaukaua vinaka tale ga me rawa nira gole kina na lori ni tarataravaki kei na lori e dau vakayagataki ena gauna ni leqa tubukoso. Ni se qai tekivu na tarataravaki, ena vakayagataki vakalevu na kawakawa qo.

E veiqaravi tiko ena CPC o Brother Matthew Mordecki, e kaya: “Ni sa vakadonui na lawa, keimami sa rawa ni kerea sara na ivola tara me tekivu na cakacaka. Koya gona, ena itekitekivu ni Tiseba 2022, sa na tekivu samaki na vanua me caka kina na tarataravaki.”

Meda masulaka vei Jiova me “vakayacora” na veika era tuvanaka na tacida era veiqaravi ena tarataravaki qo.—Niemaia 1:11.