Ena imatai ni June, 2023, e solia na ivolatara na Tabana ni Yaubula e Niu Yoka me vagalalataki kece na vunikau e sa musu oti. Me yacova mai na ika18 ni Maji, era sa musu kece na vunikau era tiko ena vanua ni tarataravaki. E mai vakaoti qori ni se vo tu e rua na macawa ni bera ni cava na gauna era vakatara kina na vakailesilesi na musu kau.

E kaya o Brother Robert McRedmond, e kodineita ena Komiti ni Tarataravaki e Ramapo, na Construction Project Committee (CPC): “Keitou kila ni gauna kece e vakadonui kina e dua na cakacaka ena tarataravaki lelevu, ena dusia ni sa na voleka ni tekivu na tarataravaki. Eda sa vakadinadinataka ena veigauna sa oti, na nona veivuke Jiova me walia na veika ena vakaleqa na toso ni cakacaka. Keitou vakadeitaka ni na veivuke tiko ga o koya ena veigauna se bera mai.”—Aisea 57:14.

E cakacaka vata na CPC kei ira na vakailesilesi ni matanitu me vakadonui eso na cakacaka e vauca na tarataravaki.