Ena ika21 ni Okotova 2024, e vakacaca na cagilaba kaukaua o Trami a ena veivanua ena Yatu Filipaini. Na kaukaua ni cagi e 160 na kilomita ena dua na aua, qai vakacaca vakalevu ena yasayasa ena vualiku. Na bi ni uca kei na kaukaua ni cagi e vakavuna na waluvu kei na sisi ni qele. E vakacacana na veivale, gaunisala, e boko na livaliva, sega tale ga na wai. E sivia ni ono milioni na lewenivanua era tiko ena yasayasa qori, e rauta ni dua na milioni vei ira era tokitaki. Era mate e rauta ni le 126.

• Ka ni rarawa ni mate e dua na tacida yalewa

• Tokitaki e 747 na dautukutuku

• Vakarusai e 7 na vale

• Vakacacani vakalevu e 24 na vale

• Vakacacani vakalailai e 128 na vale

• Vakacacani vakalailai e 8 na Vale ni Soqoni

• Era veivakayaloqaqataki na ivakatawa ni tabacakacaka kei na qase ni ivavakoso. Era raica tale ga na kena vakarautaki na ka ni veivuke vei ira na vakaleqai ena cagilaba qo

• Tuvanaki e 5 na Komiti ni Vakacoko me qarava na ka ni veivuke

Eda rarawa ena nona mai takali e dua na tacida yalewa, kei na vakacaca e cakava na cagilaba qori. Ia eda lomavakacegu ena inuinui e yalataka na iVolatabu, ni na kauta tani na leqa tubukoso era yaco tu qo.​—Aisea 25:8.