Au Taleitaka e Dua Keirau Mataqali Vata—Kena iBalebale Niu Vakasalewalewa?
Sega!
Kena dina: E levu na gauna, na gagadre ni taleitaki ira oni mataqali vata e dau lekaleka wale ga.
Qori na ka e dikeva o Lisette, e dua na goneyalewa yabaki 16, a dau taleitaki ira tale ga na yalewa ena dua na gauna. E kaya: “Au vulica ena noqu kalasi ni baioloji, ni sega ni dau duadua tu ga na iwiliwili ni hormones, e rawa ni veiveisau. Au vakabauta ke ra kila vinaka e levu na itabagone na veika me baleta na yagodra, era na kila ni dau lekaleka wale ga nodra veitaleitaki vakamataqali vata, era na sega tale ga ni nanuma kina nira vakasalewalewa.”
E tu na digidigi vei ira kece na itabagone, mera digia na rai torosobu ni veiyacovi vakasisila se mera muria na ivakatagedegede savasava ena Vosa ni Kalou
Ia vakacava ke dede nomu taleitaki ira oni mataqali vata? Vakacava e cala vua na Kalou me tukuna vei ira na veitaleitaki vakamataqali vata mera kua ni veimoceri?
Ke o vakaio ena taro qori, mo nanuma tiko ni qori e yavutaki mai na rai cala ni dodonu meda vakaceguya noda gagadre ni veiyacovi. Na iVolatabu e vakaraitaka ni solia tu vei keda na Kalou na galala meda vakaceguya se sega na noda gagadre. Qo e vakaraitaka ni dokai keda.—Kolosa 3:5.
E sega gona ni dredre na ka e vakarota na iVolatabu. E uqeti keda kece wili kina o ira na veimoceri vakatagane se vakayalewa meda—“dro tani mai na veiyacovi tawadodonu.” (1 Korinica 6:18) E milioni na yalewa era vinakata na tagane se tagane era vinakata na yalewa (heterosexual), era lewa vinaka na nodra gagadre ena gauna era temaki kina nira vinakata mera muria na ivakatagedegede savasava ena iVolatabu. E rawa nira cakava tale ga qori o ira na via veimoceri vakamataqali vata ke lomadra dina mera vakamarautaki Jiova.—Vakarua 30:19.
Rawa ni o Wilika Tale ga
SAUMI NA TARO VAKAIVOLATABU
Rai ni iVolatabu me Baleta na Vakawati Vakamataqali Vata
E kila vinaka o koya e tauyavutaka na vakawati na sala me dei kina qai marautaki na vakawati.
SAUMI NA TARO VAKAIVOLATABU
Na Cava e Kaya na iVolatabu me Baleta na Veimoceri Vakamataqali Vata?
Na cava na rai ni Kalou me baleta na veiyacovi vakamataqali vata? O rawa ni o vakamarautaka na Kalou ke o vinakata e dua drau mataqali vata?
RA TAROGA NA ITABAGONE
E Cala na Veimoceri Vakatagane se Vakayalewa?
E tukuna na iVolatabu nira tamata ca na veimoceri vakamataqali vata? E rawa ni vakamarautaka na Kalou e dua e vinakati ira era mataqali vata?
YADRA!
Cava e Kaya na iVolatabu me Baleta na Veimoceri Vakatagane se Vakayalewa?
Vakacava e vakatabuya na veimoceri vakatagane se vakayalewa? E veiuqeti beka na iVolatabu mera cati o ira na veimoceri vakatagane se vakayalewa?
