“Na vakadomobula ni veiveisau ni draki e yaco tiko qo e vakavuna nodra nuiqawaqawa e levu, vakacacani na siti kei na veika bula. E vakarusai na vale kei na veika meda bula kina ena vuku ni cagilaba kaukaua e yaco tiko e veiyasa i vuravura. Na katakata sivia tale ga ni waitui e rawa ni vakavuna mera [mate] na veika bula era tu kina.”—Inger Andersen, ivukevuke ni vunivola levu ni Matabose kei Vuravura, e dairekita tale ga ni UN Environment Programme, Julai 25, 2023.

 Vakacava e rawa nira duavata na veimatanitu mera walia na vakacacani tiko ni vuravura? E rawa nira vakaotia vakadua?

 E cavuti ena iVolatabu e dua na matanitu ena vakaotia dina na vakacacani ni vuravura. E kaya ni na “vakarautaka na Kalou ni lomalagi e dua na matanitu.” Na matanitu qori ena liutaka na vuravura, qai vakaotia na leqa e yaco tiko kina. (Taniela 2:44) Ni veiliutaki na matanitu qori “era na sega ni veivakaleqai se veivakarusai” o ira na vakarurugi kina, se mera vakacacana na vuravura.—Aisea 11:9.