Vakadua e veiyabaki era dau vakananuma na mate i Jisu na iVakadinadina i Jiova, kei na vica vata na milioni era sureta e veiyasa i vuravura, me vaka ga e vakarota. (Luke 22:19) Era vakavinavinakataka kina nona solia o Jisu nona bula ena vukuda na kawatamata, kei na sala e yaga kina qori vei ira ena gauna qo kei na gauna se bera mai.—Joni 3:16.

 Ke o tiko ena iVakananumi ni yabaki qo se sega, e se rawa ni yaga tiko ga vei iko nona mate vakaisoro o Jisu. Qo e rua na ka bibi e vakavulica o Jisu meda cakava:

1.  1. Vulica na veika me baleta na Kalou kei Jisu. Ni masu o Jisu vua na Tamana vakalomalagi, e kaya: “Ena rawata na bula tawamudu, o koya e vulica tiko ga na veika me baleti kemuni na Kalou dina duadua ga, kei Jisu Karisito oni tala mai.”—Joni 17:3.

2.  2. Bulataka na ka o vulica. E vakabibitaka o Jisu meda muria na nona ivakavuvuli ena noda bula. Kena ivakaraitaki, ni tinia nona ivunau rogo ena Ulunivanua e vakacaucautaki ira na “rogoca [nona] vosa qai cakava.” (Luke 6:46-48) Dua tale na gauna, e kaya: “Ke dou kila na ka kece qo, dou na qai marau ke dou cakava.”—Joni 13:17.

 O via vulica eso tale na ka me baleta na Kalou kei Jisu? O vinakata na veidusimaki mo bulataka kina na ka o vulica? Qo eso na vakatutu e rawa ni yaga vukei iko.

 Sa yaga vei ira e levu nodra vulica wale na iVolatabu, era bulataka tale ga na ka era vulica kina.

•   Rai ena iTuvatuva ni Vuli iVolatabu mo kila kina eso tale na ka.

•   Sarava na vidio Qo Nomuni Gauna ni Vuli mo raica kina na iwalewale ni nodra veivakavulici na iVakadinadina i Jiova.

 Vakarua e veimacawa era dau soqoni na iVakadinadina i Jiova ena nodra vanua ni sokalou e vakatokai na Vale ni Soqoni. Era veivosakitaka kina na iVolatabu kei na sala mera bulataka kina na kena ivakavuvuli.

 Na soqoni qo era sureti kina na lewenivanua, sega ni tukuni sara mo iVakadinadina i Jiova mo qai tiko kina. O rawa ni gole ena vanua ni soqoni se sema ena zoom ni vakatau ena ituvaki ni vanua o tiko kina.

•   Mo raica vakalekaleka na ka e caka ena soqoni, sarava na vidio Na Cava e Caka ena Vale ni Soqoni?

•   Raica na vanua ni soqoni o voleka kina ni o rai ena Soqoni ni iVakadinadina i Jiova.

 Na ulutaga kei na vidio era tu ena website e rawa ni vukei iko mo kila e levu tale na ka me baleta na ivakavuvuli i Jisu, kei na yaga ni nona isoro.

 Kena ivakaraitaki, e rawa vakacava ni veivakabulai vei ira e levu nikua nona mate? Wilika na ulutaga “E Veivakabulai Vakacava o Jisu?” kei “Na Cava me Mate Vakararawa Kina o Jisu?” Se sarava na vidio Na Cava a Mate Kina o Jisu?