‘E levu era na veicati. Ena batabata na nodra loloma e levu.’ (Maciu 24:10, 12) Na ka e tukuna qo o Jisu e dusia na itovo ni tamata ni bera ni rusa o Jerusalemi ena 70 G.V. Ia era na kilai tani na tisaipeli i Jisu ena nodra veilomani. (Joni 13:35) Sa na veiuqeti mada ga vei ira na lotu vaKarisito Iperiu e Jerusalemi na ivola i Paula. Ni a vakacaucautaki  ira kina ena vuku ni nodra veilomani vakaveitacini qai vakasalataki ira mera vakaitovotaka tiko ga na loloma!

Sa voleka ni cava na ituvaki ca qo i Setani. Me vakataki ira ga na tacida ena imatai ni senitiuri, eda bula maliwai ira na tamata era dau lomani ira ga, era lomana na marau kei na ilavo. Era sega ni lomana na Kalou se kainodra. (2 Tim. 3:1-4) Ia e kaukaua tiko ga na noda veilomani vakaveitacini na iVakadinadina i Jiova ena vuravura taucoko. Me dei tiko mada ga noda veilomani vakaveitacini me vakalagilagi kina o Jiova na vatuka ni loloma.