Vukei ira na vakarorogo mera dikevi ira. Taroga na taro vakavure vakasama mo kila kina se cava nodra nanuma ena ka o tukuna.

iNaki vinaka. Uqeti ira na vakarorogo mera dikeva na vuna mera cakava kina na ka vinaka. Vukei ira me vinaka na nodra inaki, oya mera lomani Jiova, ira na kainodra, kei na ivakavuvuli vakaivolatabu. Kua ni vunauci ira, ia mera raica ga na ivakavuvuli vuku e tiko ena iVolatabu. Vakayaloqaqataki ira qai uqeti ira ena itinitini ni nomu vosa mera solia na nodra vinaka taucoko, kua ga ni vakamadualaki ira.

Mera vakaliuci Jiova. Vakamacalataka na sala e laurai kina ena ivakavuvuli kei na ivakaro vakaivolatabu na itovo ni Kalou kei na nona lomani keda. Uqeti ira mera kila na loma i Jiova kei na sala mera vakamarautaki koya kina.