Aisea 39:1-8
-
iTalai mai Papiloni (1-8)
39 Ena gauna oya e vakau ivola kei na iloloma o Merotaki-paletani na luvei Paletani na tui Papiloni vei Esekaia,+ ni rogoca ni a tauvimate ia sa bula vinaka tale.+
2 E kidavaki ratou ena marau o Esekaia qai vakaraitaka vei ratou na nona valeniyau+—na siliva, na koula, na waiwai vakaisaluaki kei na so tale na waiwai talei, na nona valeniyaragi taucoko, kei na ka kece e laurai ena nona valeniyau. E vakaraitaka vei ratou o Esekaia na ka kece ena nona vale* kei na nona matanitu.
3 Oti oya e lako yani vei Tui Esekaia o Aisea na parofita, e tarogi koya: “Na cava eratou kaya na tagane qo, eratou lako mai vei?” E mani kaya o Esekaia: “Eratou lako mai na dua na vanua yawa, mai Papiloni.”+
4 E taroga tale o koya: “Na cava eratou raica ena nomu vale?”* E kaya o Esekaia: “Eratou raica na ka kece ena noqu vale.* Au vakaraitaka vei ratou na noqu iyau kece.”
5 E kaya o Aisea vei Esekaia: “Moni rogoca mada na vosa i Jiova ni lewe vuqa,*
6 ‘Raica! Sa roro mai na gauna ena kau kina i Papiloni na ka kece e tu ena nomu vale* kei na ka kece era maroroya tu na nomu qase me yacova mai na siga qo. Ena sega ni vo e dua na ka,’+ e kaya o Jiova.+
7 ‘Eso na luvemu tagane era na tubu mai vei iko era na kau mera vakailesilesi ni valenitui e Papiloni.’”+
8 E kaya sara o Esekaia vei Aisea: “E vinaka na vosa i Jiova o tukuna.” E kaya tale: “Ni na yaco na vakacegu kei na tikovinaka* ena noqu gauna.”+
iVakamacala e ra
^ Se “valenitui.”
^ Se “valenitui.”
^ Se “valenitui.”
^ Qo na mataivalu vakalomalagi.
^ Se “valenitui.”
^ Se “dina.”
