Aisea 52:1-15
52 Mo yadra! Mo yadra! Mo vakaisulutaki iko ena kaukaua,+ Saioni!+
Mo dara na nomu isulu totoka+ Jerusalemi, na koro tabu!
Ena sega tale ni lako yani vei iko o koya e sega ni cili, e sega ni savasava.+
2 Mo kurea tani na kuvuniqele, mo tucake, mo dabe Jerusalemi.
Luvata na ivesu mai domomu o iko na goneyalewa ni Saioni o vesu tu.+
3 Qo na ka e kaya o Jiova:
“Oni a volitaki wale,+Oni na sega ni voli lesu ena ilavo.”+
4 Qo na ka e kaya na Turaga Cecere Duadua o Jiova:
“Era lako i Ijipita na noqu tamata ena imatai ni gauna mera tiko vulagi kina,+Oti e sega na yavu e vakasaurarataki ira kina o Asiria.”
5 “Na cava gona meu cakava eke?” e kaya o Jiova.
“Era kau wale na noqu tamata.
Era kaila tiko ga ena qaqa o ira na lewai ira,”+ e kaya o Jiova,“E beci tiko ga na yacaqu ena siga taucoko.+
6 Oya na vuna era na kila kina na noqu tamata na yacaqu,+Oya na vuna era na kila kina ena siga oya ni o yau ga au vosa tiko.
Raica, o yau ga!”
7 E totoka dina ena ulunivanua na yavana o koya e kauta tiko mai na itukutuku vinaka,+E vunautaka tiko na vakacegu,+E kauta tiko mai na itukutuku vinaka ni ka vinaka,E tukuna tiko na veivakabulaiE kaya tiko vei Saioni: “Sa Tui na nomu Kalou!”+
8 Mo rogoca! Era tabalaka na domodra na nomu yadra.
Era kaila vata ena marau,Era na raica vinaka na nona kumuni ira tale na lewe i Saioni o Jiova.
9 Moni marau, moni kaila vata ena marau na irusarusa i Jerusalemi,+Ni sa vakacegui ira na nona tamata o Jiova,+ sa voli Jerusalemi tale.+
10 E vakaraitaka na ligana tabu o Jiova e matadra na matanitu kece.+
Na iyalayala kece kei vuravura ena raica na veivakabulai* ni noda Kalou.+
11 Moni gole tani, moni gole tani, moni lako tani mai kea,+ ni kua ni tara na ka e sega ni savasava!+
Ni lako tani mai vua,+ moni savasava tiko gaO kemuni na kauta tiko na iyaya ni vale i Jiova.+
12 Oni na sega ni taqaya ni oni sa biubiu,Se moni dro,Ni na liutaki kemuni o Jiova,+Ena yadrava na dakumuni na Kalou ni Isireli.+
13 Raica! Ena cakacaka vakavuku na noqu dauveiqaravi.+
Ena vakalevulevui,Ena cecere, ena vakacerecerei vakalevu.+
14 Era wadravi koya e levu ena kidroa—Ni duatani sara na kena irairai vei ira na vo ni tamataE ca sara ni vakatauvatani kei na kawatamata—
15 Ena vakidacalataka vaka kina o koya e levu na matanitu.+
Era na sogota na gusudra* na tui e matana,+Nira na raica na ka e sega ni tukuni vei iraEra na vakasamataka na ka era sega ni rogoca.+
