Jeremaia 17:1-27
17 “Na nodra ivalavala ca na Juta e volai ena peni kaukamea.
Ena mata ni daimani e ceuti kina e lomadraKei na ileu ni nodra icabocabonisoro,
2 Nira nanuma na luvedra na nodra icabocabonisoro kei na nodra duru ni sokalou*+Volekata na vunikau bulabula ena veidelana cecere,+
3 Ena veiulunivanua mai veikau.
Na nomuni iyau, na nomuni ka talei kece au na solia me itokinivalu,+Io na nomuni vanua cecere, ena vuku ni ivalavala ca oni vakayacora ena nomuni vanua taucoko.+
4 Oni na biuta ga vakataki kemuni na nomuni ivotavota au solia vei kemuni.+
Au na lewa moni qaravi ira na kemuni meca ena vanua oni sega ni kila,+Ni oni waqara na noqu cudru me vaka na buka.*+
Ena caudre tiko ga.”
5 Qo na ka e kaya o Jiova:
“Me cudruvi na tamata* e nuitaka na tamata wale,+E vakararavi ena kaukaua ni tamata+E gole tani na lomana me kua ni muri Jiova.
6 Ena vaka na vunikau e tubu duadua ena vanua dravuisiga o koyaEna sega ni raica o koya ni yaco mai na ka vinaka,Ia ena tiko o koya ena vanua dravuisiga ena vanua lala,Ena vanua masima e sega ni bula rawa kina e dua.
7 E kalougata na tamata* e vakararavi vei Jiova,E nuitaki Jiova.+
8 Ena vaka na vunikau e tei ena batiniwai,E sala yani na wakana ina uciwai.
Ena sega ni kila ni yaco mai na katakata,Na drauna ena bulabula tu ga.+
Ia na yabaki ni lauqa ena sega ni nuiqawaqawa,Ena sega tale ga ni mudu na kena vua.
9 E dau veivakaisini duadua ga na loma ni tamata qai rerevaki.*+
O cei me kila rawa?
10 O yau o Jiova, au raica na loma ni tamata,+Au dikeva na vakanananu titobu,*Meu solia vua na tamata yadua me vaka na nona ivalavala,Me vaka na vua ni nona cakacaka.+
11 Me vaka na toa ni veikau e kumuna na ka e sega ni vakalutumaE vaka kina o koya e rawa iyau ena ilawaki.*+
Ena biuti koya tu ni sa veimama na nona bula,Na kena itinitini ena sesewa kina o koya.”
12 Na itikotiko vakaturaga lagilagi e vakacerecerei mai na ivakatekivu,Na neimami tikina tabu.+
13 Kemuni ga Jiova na inuinui nei Isireli,O ira kece na biuti kemuni era na madua ga.
O ira na vukitani vei kemuni* era na volai ena kuvuniqele,+Nira sa biuti Jiova na ivurevure ni wai ni bula.+
14 Moni vakabulai au kemuni Jiova, au na bula.
Moni maroroi au, au na sega ni mate,+Ni o kemuni ga au dau vakacaucautaka.
15 Raica! Era kaya tiko vei au eso:
“I vei na vosa i Jiova?+
Me yaco mada ga!”
16 Ia o yau, au muri kemuni tiko ga me vaka na ivakatawa,Au sega ni vinakata na siga ni rarawa.
Oni kila vinaka na ka kece e cavuta na tebenigusuqu,E yaco kece e matamuni.
17 Moni kua ni vakarerei au.
Oni noqu ivakaruru ena siga ni rarawa.
18 Mera vakamaduataki na vakacacani au,+Meu kua ni vakamaduataki o yau.
Mera vakarerei,Meu kua ni vakarerei.
Moni kauta mai vei ira na siga ca,+Moni butuqaqi ira, moni vakarusai ira vakadua.*
19 Qo na ka e kaya vei au o Jiova: “Mo lai duri ena nodra matamata na luve ni tamata era dau veicuruyaki kina na tui Juta, kei na matamata kece e Jerusalemi.+
20 Mo kaya vei ira, ‘Moni rogoca na vosa i Jiova na tui Juta, o kemuni kece na lewe i Juta kei kemuni kece na lewe i Jerusalemi oni curu mai ena matamata qori.
21 Qo na ka e kaya o Jiova: “Moni qarauni kemuni, moni kua ni colata e dua na icolacola ena Siga ni Vakacecegu se moni kauta yani ena matamata e Jerusalemi.+
22 Moni kua ni kauta mai e dua na icolacola ena nomuni vale ena Siga ni Vakacecegu, moni kua tale ga ni cakacaka.+ Moni vakatabuya tiko ga na Siga ni Vakacecegu me vaka au vakaroti ira kina na tukamuni.+
23 Ia era sega ni rogoca se vakatudaliga, era domoqa ga mera kua ni muria se ra rogoca na veivakavulici.”’+
24 “‘“Ke oni talairawarawa dina vei au,” e kaya o Jiova, “moni kua ni kauta mai na icolacola ena matamatanikoro qo ena Siga ni Vakacecegu, moni vakatabuya tiko ga na Siga ni Vakacecegu moni kua ni cakacaka kina,+
25 era na curu tale ga ena matamatanikoro qo na tui kei na turaga era dabe tiko ena idabedabe vakaturaga i Tevita,+ era vodo qiqi kei na ose, o ira kei na nodra turaga, o ira na lewe i Juta kei ira na lewe i Jerusalemi,+ ena tawani tiko ga na koro qo me tawamudu.
26 Era na lako na tamata mai na koro e Juta, mai na veivanua volekati Jerusalemi, mai na vanua o Penijamini,+ mai na vanua lolovira,+ mai na veiulunivanua, kei na Nikepi* mera kauta na isoro kama taucoko,+ na isoro,+ na isoro kakana,+ na drega boivinaka, kei na isoro ni vakavinavinaka ina vale i Jiova.+
27 “‘“Ia ke oni sega ni talairawarawa vei au moni vakatabuya tiko ga na Siga ni Vakacecegu moni kua ni colata na icolacola moni kauta yani ena matamata e Jerusalemi ena Siga ni Vakacecegu, au na vakama na kena matamata, ena yameca sara ga na valececere vakabai e Jerusalemi,+ ena sega tale ga ni boko rawa.”’”+
iVakamacala e ra
^ Raica na iVakamacala ni Vosa.
^ Se rawa ni, “Me vaka na buka oni tutuvaki ena noqu cudru.”
^ Se “na tamata kaukaua.”
^ Se “na tamata kaukaua.”
^ Se rawa ni, “sega na kena iwali.”
^ Se “lomada sara mai loma.” Ipe., “ivi.”
^ Se “ia sega ena lewadodonu.”
^ Ipe., “vei au,” rairai dusi Jiova.
^ Se “vakarusai ira vakarua.”
^ Se “na ceva.”
