Neumi 1:1-15
1 Na itukutuku bibi me baleti Ninive:+ Na ivola ni raivotu e vola o Neumi* na kai Elikosi:
2 E vinakata na Kalou o Jiova me qaravi duadua ga,+ e dau veisausaumi.
E dau veisausaumi o Jiova, e tu vakarau me vakaraitaka nona cudru.+
E cudruvi ira na saqati koya o Jiova,E binia o koya na cudru me tau vei ira na kena meca.
3 E berabera ni cudru o Jiova,+ e levu sara nona kaukaua,+Ia ena sega ni tarova o Jiova na vakatauitotogi.+
Na nona sala na cagilaba kei na cava,Na o e kuvuniqele ni yavana.+
4 E cudruva o koya na wasawasa+ qai vakamacara,E vakamacara o koya na uciwai kece.+
E raqosa o Pasani kei Kameli,+E malai na senikau e Lepanoni.
5 E sakure na veiulunivanua ena vukuna,Kei na veidelana ena waicala.+
E yavavala na qele ena vuku ni matana,Bau kina na vanua kei ira kece na tiko kina.+
6 O cei me vosota rawa nona cudru?+
O cei me vorata nona cudru katakata?+
Ena sovaraki nona cudru me vaka na bukawaqa,Ena vorolaki na vatu ena vukuna.
7 E vinaka+ o Jiova, na idrodro ena siga ni rarawa.+
E kilai* ira na qara ivakaruru vua.+
8 Ena vakarusa vakadua na nona* vanua ena tacoka ni dobui,Na butobuto ena cicimuri ira na kena meca.
9 Na vere cava oni na bukia vei Jiova?
Ena veivakarusai vakadua o koya.
Ena sega ni vakaruataki na rarawa.+
10 Era veiqaliqali me vaka na wavakavotona,Era vaka na mateni ena bia,*
Ia era na yameci me vaka na vunicovuata madu.
11 Ena lako mai vei iko e dua e nakicataki Jiova,E ka wale na nona ivakasala.
12 Qo na ka e tukuna o Jiova:
“Era kaukaua sara era lewe levu,Ia era na musuki sobu ena qai lako tani yani.*
Au a vakararawataki iko,* ia au na sega ni vakararawataki iko tale.
13 Ia qo au na musuka tani vei iko na nona ivua,+Au na musuka rua na kemu ivesu.
14 E vakarota o Jiova me baleti iko,*‘Ena sega ni tudei na yacamu.
Au na musuka kece na ivakatakarakara ceuti kei na matakau kaukamea ena vale* ni nomu kalou.
Au na cakava e dua na nomu ibulubulu ni o sa beci.’
15 Raica! Ena veiulunivanua na yava i koya e kauta tiko mai na itukutuku vinaka,O koya e vunautaka tiko na vakacegu.+
Mo marautaka nomu soqo,+ o iko Juta, mo vakayacora nomu bubului,Ni na sega tale ni lako yani vei iko na tamata sega na betena.
Ena vakarusai vakadua o koya.”
iVakamacala e ra
^ Kena ibalebale “Dauveivakacegui.”
^ Se “karoni.”
^ Oya o Ninive.
^ Se “bia caka ena witi.”
^ Se rawa ni, “ena lako yani o koya.”
^ Oya o Juta.
^ Oya o Asiria.
^ Se “burekalou.”
