Niemaia 11:1-36
-
Tawa tale o Jerusalemi (1-36)
11 Era vakaitikotiko mai Jerusalemi+ na nodra turaga na lewenivanua, ia o ira na vo ni lewenivanua era vakawirimadigi+ mera digia e dua mai na le tini me lai tiko i Jerusalemi na koro tabu, o ratou na vo ni ciwa me ratou lai tiko ena so tale na koro.
2 O ira tale ga na lewenivanua era vakavinavinakataki ira na tamata kece era bole mera lai vakaitikotiko e Jerusalemi.
3 Qo o ira na iliuliu ni yasana era vakaitikotiko e Jerusalemi. (O ira na vo ni Isireli, o ira na bete, o ira na Livai, o ira na dauveiqaravi ena valenisoro,*+ kei na luvedra na dauveiqaravi nei Solomoni+ era vakaitikotiko ena vo ni koro e Juta, ena nodra dui ivotavota ena nodra koro.+
4 Era vakaitikotiko tale ga e Jerusalemi eso na lewe i Juta kei Penijamini.) O ira na lewe i Juta o Ataia na luvei Usaia na luvei Sakaraia na luvei Amaraia na luvei Sefataia na luvei Melelieli na luvei Feresi,+
5 kei Mesea na luvei Peruki na luvei Koliose na luvei Isaia na luvei Ataia na luvei Joiaripi na luvei Sakaraia na luvei Sela.
6 Era le 468 na luvei Feresi era vakaitikotiko e Jerusalemi, era tagane yaga.
7 Qo o ira na Penijamini: o Salu+ na luvei Mesulame na luvei Joeti na luvei Petaia na luvei Kolaia na luvei Mesea na luvei Icieli na luvei Jeseia,
8 e taravi koya o Kapai kei Salai, era le 928,
9 kei Joeli na luvei Sikiri, e nodra iliuliu, kei Juta na luvei Senua na ikarua ni nodra iliuliu ena koro.
10 O ira na bete: o Jitaia na luvei Joiaripi, o Jakini,+
11 o Siraia na luvei Ilikaia na luvei Mesulame na luvei Setoki na luvei Miraoci na luvei Etupi,+ na iliuliu ena vale* ni Kalou dina,
12 kei na tacidratou era qarava na cakacaka ni vale, era le 822, o Ataia na luvei Jiroame na luvei Pilalaia na luvei Amisai na luvei Sakaraia na luvei Pasuri+ na luvei Malikaia,
13 kei ira na tacina era turaga ni mataqali nei tamadra, era le 242, kei Amesai na luvei Esareli na luvei Asai na luvei Meselemoce na luvei Ima,
14 kei ira na tacina era tagane yaloqaqa, era le 128, e dua na nodra iliuliu o Sapitieli mai na vuvale rogo.
15 O ira na Livai: o Semaia+ na luvei Asupi na luvei Asirikame na luvei Esapaia na luvei Puni,
16 o Sapicei+ kei Josapati,+ na nodra iliuliu na Livai, erau qarava na veika tale eso ena vale ni Kalou dina,
17 kei Matanaia+ na luvei Maika na luvei Sapiti na luvei Esafa,+ na iliuliu ni lagasere e liutaka na veivakacaucautaki ena gauna ni masu,+ kei Pakipukia na ikarua ni tacina, kei Apita na luvei Samua na luvei Kalali na luvei Jitucuni.+
18 Era le 284 taucoko na Livai ena koro tabu.
19 O ira na ivakatawa ni matamata, o Akupi, o Talimoni+ kei na tacidrau era yadrava tiko na matamata era le 172.
20 O ira na vo ni Isireli, o ira na bete kei ira na Livai, era tiko kece ena vo ni koro e Juta, era dui tiko ena nodra ivotavota.
21 Era vakaitikotiko e Ofeli+ na dauveiqaravi ena valenisoro,*+ erau liutaki ira na dauveiqaravi ena valenisoro o Saia kei Kisipa.
22 Na nodra iliuliu na Livai e Jerusalemi o Usai na luvei Pani na luvei Esapaia na luvei Matanaia+ na luvei Mika na luvei Esafa, era daulagasere, e lewa o koya na cakacaka ena vale ni Kalou dina.
23 Ni a vakarota na tui ena vukudra,+ me dua na ituvatuva dei me vakarautaki kina e veisiga na ka era gadreva na daulagasere.
24 O Pecaia na luvei Mesesapeli na luvei Sira na luvei Juta e dau vakasalataka* na tui ena ka kece me baleti ira na lewenivanua.
25 Ena ka me baleta na nodra itikotiko kei na nodra vanua, eso na Juta era vakaitikotiko e Kiriaciaripa+ kei na kena tauni lalai,* e Taiponi kei na kena tauni lalai, e Jikapiseli+ kei na kena itikotiko,
26 e Jesua, e Molata,+ e Peci-paleti,+
27 e Asasuali,+ e Pieri-sepa kei na kena tauni lalai,*
28 e Sikilaki,+ e Mikona kei na kena tauni lalai,*
29 e Enirimoni,+ e Sora,+ e Jarimoce,
30 e Sanoa,+ e Etulama kei na kena itikotiko, e Lakisi+ kei na kena veikau, e Aseka+ kei na kena tauni lalai.* Era tiko mai Pieri-sepa me yacova sara na Buca o Inomi.+
31 O ira na Penijamini era tiko mai Kipa,+ mai Mikimasi, mai Aija, mai Peceli+ kei na kena tauni lalai,*
32 mai Anacoci,+ mai Nopi,+ mai Ananaia,
33 mai Asori, mai Rama,+ mai Kiteimi,
34 mai Atiti, mai Sepoimi, mai Nipalati,
35 mai Lota kei Ono,+ na nodra buca na matai.
36 Era lesi vei Penijamini eso na iwase ni Livai mai Juta.
iVakamacala e ra
^ Se “na Necinimi.” Ipe., “o ira na soli.”
^ Se “valenisoro.”
^ Se “na Necinimi.” Ipe., “o ira na lesi.”
^ Ipe., “tiko ena liga ni tui.”
^ Se “wavokita.”
^ Se “wavokita.”
^ Se “wavokita.”
^ Se “wavokita.”
^ Se “wavokita.”
