Same 139:1-24
Vei koya na dairekita. Na Same i Tevita. Na sere.
139 Kemuni Jiova, oni sa vakasaqaqara vinaka e lomaqu, oni qai kilai au.+
2 Oni kila na noqu dabe sobu, na noqu tucake tale ga.+
Oni kila na noqu vakanananu ni oni tu mai vakayawa.+
3 Oni vakaraici* au niu veilakoyaki, niu davo sobu tale ga,Oni kila vinaka na noqu ivalavala kece.+
4 E sega ni bau tu e dua na vosa ena yamequ,Ia raica! Kemuni Jiova, oni sa kila vinaka tu.+
5 Oni sa wavoliti au mai dakuqu, mai mataqu tale ga,Oni qai tabaki au ena ligamuni.
6 Na kilaka va qo au sega ni katuma rawa.*
Sa rui cecere vei au meu yacova.*+
7 I vei au rawa ni drovaka kina na yalomuni,I vei tale ga au rawa ni drovaka kina na matamuni?+
8 Keu cabe i lomalagi, oni na tu mai kea,Keu cakava tale ga na noqu idavodavo ena iBulubulu,* raica! oni na tu mai kea.+
9 Keu vuka laivi ena taba ni matakaMeu lai tu sara ena wasawasa yawa duadua,
10 Ena tuberi au mada ga e kea na ligamuniEna tauri au tale ga na ligamuni imatau.+
11 Keu tukuna: “Ena vunitaki au dina na butobuto!”
Ena qai rarama na bogi e wavoliti au.
12 Na butobuto mada ga ena sega ni buto sara vei kemuni,Ia na bogi ena ramase vaka na siga,+Na butobuto e tautauvata ga kei na rarama vei kemuni.+
13 Ni oni vakarautaka na noqu ivi,Oni sogolati* au ena katonigone i tinaqu.+
14 Au vakacaucautaki kemuni ni vakatubuqoroqoro qai veivakurabuitaki na noqu buli.+
Na nomuni cakacaka e veivakurabuitaki,+Qori na ka au kila vinaka.
15 E sega ni vunitaki vei kemuni na suiquNiu a buli lo,Niu se tali tiko ena veivanua titobu e vuravura.+
16 Na matamuni mada ga e raici au niu se kunekunetaki tiko,Sa volai tu ena nomuni ivolaNa veisiga era buli tiko kina na veitikiqu kece,Ni se bera ni basika e dua vei ira.
17 Sa rui talei gona vei au na nomuni nanuma!+
Kemuni na Kalou, sa vakaitamera na kedra iwiliwili!+
18 Keu saga meu wiliki ira, era levu cake mai na mataninuku.+
Niu yadra mai, au se tu ga kei kemuni.*+
19 Kemuni na Kalou, ke oni vakamatea na daucaka ca!+
Era na qai biuti au na tamata ivalavala kaukaua.*
20 O ira na tukuna na veika me baleti kemuni ena inaki ca,*Era kemuni meca, era vakayagataka vakaveitalia+ na yacamuni.
21 Vakacava, au sega ni sevaki ira na sevaki kemuni, i Jiova,+Qai cati ira matua na saqati kemuni?+
22 E sega tale ni dua na ka au vakila niu cati ira sara ga,+Era sa mai kequ meca dina.
23 Kemuni na Kalou, ni dikevi au moni kila na lomaqu.+
Digovi au, moni kila na nuiqawaqawa* ni noqu vakanananu.+
24 Moni raica ke tiko e lomaqu e dua na gagadre ca,+Qai tuberi au+ ena sala ni bula tawamudu.
iVakamacala e ra
^ Ipe., “vakarautaki.”
^ Se “va qo sa rui veivakurabuitaki vei au.”
^ Se “rui sivia meu katuma rawa.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se rawa ni, “Oni tali au vata.”
^ Se “au se wiliki ira tiko ga.”
^ Se “tamata era beitaki ena vakadavedra.”
^ Se “me vaka na nodra nanuma.”
^ Se “na veilecayaki.”
