Same 25:1-22
Na same i Tevita.
ג [Alefa]
25 Au golevi kemuni yani, i Jiova.
ב [Peca]
2 Noqu Kalou, au nuitaki kemuni,+Ni kua ni laiva meu vakamadualaki.+
Ni kua ni laiva mera marau ena vukuqu na kequ meca.+
ג [Kimela]
3 Ena sega sara ga ni vakamadualaki o ira na vakanuinui vei kemuni,+Ia era na madua o ira na matewale nodra bukivere.+
ד [Teleca]
4 Ni vakatakila vei au na nomuni sala, i Jiova,+Ni vakavulici au ena nomuni sala.+
ה [Ai]
5 Ni tuberi au meu lako ena nomuni dina qai vakavulici au,+Ni oni noqu Kalou ni veivakabulai.
ו [Vau]
Au vakanuinui vei kemuni ena siga taucoko.
ו [Sayini]
6 Ni nanuma i Jiova, na nomuni yalololoma, kei na dei ni nomuni loloma,+Oni dau vakaraitaka.*+
ח [Eca]
7 Ni kua ni nanuma noqu valavala ca niu se itabagone kei na noqu talaidredre.
Ni nanumi au me vaka na dei ni nomuni loloma,+Ena vuku ni nomuni yalovinaka, i Jiova.+
ט [Teca]
8 E vinaka qai dodonu o Jiova.+
Oya na vuna e vakavulici ira kina na tamata valavala ca ena sala mera muria.+
י [Yota]
9 Ena tuberi ira na yalomalua ena veika dodonu,*+Ena vakavulici ira tale ga na yalomalua ena nona sala.+
כ[Kafa]
10 Na sala kece i Jiova e vakaraitaka na dei ni nona loloma kei na yalodinaVei ira na muria tiko na nona veiyalayalati+ kei na nona veivakadreti.+
ל [Lameta]
11 Ena vuku ni yacamuni, i Jiova,+Ni vosota noqu cala, ni sa rui levu.
מ [Memi]
12 O cei na tamata e rerevaki Jiova?+
Ena vakavulici koya ena sala me digia.+
ג [Nuni]
13 Ena vakila o koya na ka vinaka,+Ena qai taukeni vuravura na nona kawa.+
ס [Sameki]
14 Era veitokani voleka kei Jiova o ira na rerevaki koya,+E vakatakila tale ga o koya vei ira na nona veiyalayalati.+
ע [Ayini]
15 E rai tu ga vei Jiova na mataqu,+Ni na sereka na yavaqu o koya mai na lawa.+
פ [Pe]
16 Ni vagolea vei au na matamuni qai nanumi au,Niu tu taudua qai vakaloloma.
צ [Sati]
17 Sa vakalevutaki na rarawa ni lomaqu,+Ni sereki au mai na noqu yaluma.
ר [Resi]
18 Ni raica na noqu rarawa kei na noqu leqa,+Qai vosota na noqu valavala ca kece.+
19 Ni raica na kedra lelevu na kequ mecaKei na kaukaua ni nodra cati au.
ש [Sini]
20 Ni taqomaka noqu bula, qai vakabulai au.+
Kua ni laiva meu vakamadualaki, niu sa vakaruru vei kemuni.
ת [Tau]
21 Me taqomaki au mada ga na yalodina kei na yalododonu,+Niu vakanuinui vei kemuni.+
22 Kemuni na Kalou, ni vakabulai* Isireli mai na nona leqa kece.
