Same 35:1-28
Na same i Tevita.
35 I Jiova, ni valataka na noqu kisi vei ira na saqati au,+Ni valuti ira na valuti au.+
2 Ni taura na nomuni isasabai lalai kei na isasabai lelevu,+Ni tucake moni totaki au.+
3 Ni taura cake na nomuni moto kei na matau ni valu vei ira na cemuri au.+
Kaya vei au: “O yau na nomu ivakabula.”+
4 Mera vakamadualaki ra qai vakalolovirataki o ira na vakasasataka tiko noqu bula.+
Mera suka ena madua o ira na saga tiko mera vakarusai au.
5 Mera vaka na qanicovuata ena cagi,Me cemuri ira laivi na agilosi i Jiova.+
6 Me butobuto qai sisisi na nodra salaNi cemuri ira tiko na agilosi i Jiova.
7 Ni sega na vuna mera vunia kina na lawa meu tacori kina,E sega na vuna mera kelia kina na qara ena vukuqu.
8 Me yaco vakidacala vua na leqa,Me toboki koya na lawa ga e vunitaka,Me lutu kina o koya qai vakarusai.+
9 Ia o yau, au na marautaki Jiova vakalevu,Au na marautaka na nona veivakabulai.
10 Ena kaya na suiqu kece:
“I Jiova, o cei e vakataki kemuni?
Oni vakabulai koya e vakaloloma vei ira na kaukaua cake,+Na vakaloloma kei na dravudravua vei ira na butakoci rau.”+
11 Era lako mai na ivakadinadina yaloca,+Era vakatarogi au ena ka au sega ni kila.
12 Era sauma lesu vei au na ca ena vuku ni vinaka,+Au mai rarawa voli kina.
13 Ia nira tauvimate, au vakaisulu ena isulutaga,Au vakararawataki au niu lolo,Qai suka wale mai vei au na noqu masu,*
14 Au veilakoyaki voli me vaka au lolositaka e dua na noqu itokani se dua na taciqu,Au cuva ena rarawa me vaka e dua e lolositaki tinana tiko.
15 Ia niu tarabe, era marau vakalevu ra qai soqoni vata,Era soqoni vata mera mokuti au nira vuni lo tu,Era basuraki au vakamatailalai ra qai sega ni galu.
16 Era vakalialiai au ena veibeci na tawalotu,Era vaqurubati vei au.+
17 I Jiova, ena vakacava na dede ni nomuni vakararai wale tu?+
Ni vakabulai au mai na nodra vakacaca,+Na noqu bula mareqeti vei ira na laione gone.*+
18 Au na qai vakavinavinaka vei kemuni ena ivavakoso levu,+Au na vakacaucautaki kemuni ena kedra maliwa na isoqosoqo tamata.
19 Kua ni laiva mera marau ena vukuqu na kequ meca ni sega na vuna,Kua ni laiva mera bobomataidua vei au ena yaloca+ o ira na cati au ni sega na vuna.+
20 Nira sega ni cavuta na vosa ni veisaututaki,Ia era bukia vakailawaki na kedra vere na tiko vinaka ena vanua.+
21 Era dalaga vakalevu mera beitaki au,Era kaya: “Qori! Qori! Sa raica na matada.”
22 Ni oni sa raica qo, i Jiova. Ni kua ni galu tu ga.+
I Jiova, kua ni yawaki au.+
23 Yadra mada, qai tucake moni totaki au,Noqu Kalou Jiova, ni totaki au ena noqu kisi ni veilewai.
24 Ni lewai au me vaka na nomuni yalododonu,+ i Jiova na noqu Kalou,Kua ni laiva mera marau ena vukuqu.
25 Mera kua vakadua ni kaya vakataki ira: “Qori! Sa rawa na ka keimami vinakata.”
Mera kua vakadua ni kaya: “Keimami sa tilomi koya.”+
26 Mera vakamadualaki kece ra qai vakarogocataki,O ira na marautaka na noqu leqa.
Mera vakaisulu ena madua kei na veibeci o ira na vakacerecerei ira vei au.
27 Ia laivi ira na taleitaka noqu yalododonu mera kaila ena marau,Mera kaya tiko ga:
“Me vakacaucautaki o Jiova, o koya e marautaka na vakacegu ni nona dauveiqaravi.”+
28 Ena tukuna* na yamequ na nomuni yalododonu+Qai vakacaucautaki kemuni ena siga taucoko.+
iVakamacala e ra
^ Se “suka wale i lomaserequ.”
^ Se “na luvenilaione kaukaua.”
^ Se “Ena vakasamataka vakatitobu na.”
