Same 40:1-17
Vei koya na dairekita. Na sere i Tevita.
40 Au dau nuitaki* Jiova,E vakatudaliga* vei au o koya, e rogoca tale ga noqu tagi ni kere veivuke.+
2 E kauti au cake mai na qara e vavadugudugu,Mai na soso ena vanua lolobo.
E qai biuta na yavaqu ena delanivatu,E vakataudeitaka na tikina au butu kina.
3 E qai biuta e dua na sere vou i gusuqu,+Vakacaucau vua na noda Kalou.
E levu era na vakararai ena qoroqoroEra qai nuitaki Jiova.
4 E marau na tamata e nuitaki JiovaQai sega ni rai vei ira na viavialevu se vei ira na lasu.*
5 E levu na ka oni sa cakava,I Jiova na noqu Kalou,Na nomuni cakacaka veivakurabuitaki kei na nomuni nanumi keimami.+
E sega ni dua e tautauvata kei kemuni,+Keu tovolea meu tukuna qai vakamacalataka,Ena sega ni tukuni rawa!+
6 Na isoro kei na isolisoli oni sega ni vinakata,*+Ia oni dolava na daligaqu me rogo.+
Oni sega ni taroga na isoro kama kei na isoro ni valavala ca.+
7 Au qai kaya: “Raica, au sa lako mai.
Ena ivolavivigi* e volai me baleti au.+
8 Na noqu Kalou, au marautaka vakalevu* meu cakava na lomamuni,+Qai tu e vu ni lomaqu+ na nomuni lawa.
9 Au tukuna yani na itukutuku vinaka ni yalododonu ena ivavakoso levu.+
Raica! Au sega ni tarova na tebenigusuqu,+I Jiova, me vaka oni kila vinaka.
10 Au sega ni tabonaka na nomuni yalododonu e lomaqu.
Au tukuna yani na nomuni yalodina kei na veivakabulai.
Au sega ni vunia na dei ni nomuni loloma kei na nomuni dina ena ivavakoso levu.”+
11 I Jiova, ni kua ni bureitaka vei au na nomuni loloma.
Me taqomaki au tiko ga na dei ni nomuni loloma, kei na nomuni dina.+
12 E sega ni wiliki rawa na leqa e tu wavoliti au.+
Au sega ni raica rawa noqu sala ni sa sega ni taqei rawa na noqu cala,+E levu cake mai na drauniuluqu,Au qai yalolailai sara ga.
13 Yalovinaka, i Jiova, ni yalorawarawa moni vakabulai au.+
I Jiova, ni totolo moni vukei au.+
14 O ira kece na saga tiko mera vakaleqa noqu bulaMera vakamadualaki qai vakarogorogocataki.
O ira na marautaka tiko na noqu leqaMera suka ena madua.
15 O ira na kaya tiko vei au: “Qori! Qori!”
Mera kidroa ena vuku ni nodra madua.
16 Ia laivi ira na vaqarai kemuni+Mera reki qai marautaki kemuni vakalevu.+
Mera kaya e veigauna o ira na taleitaka na nomuni veivakabulai:
“Me vakacerecerei o Jiova.”+
17 Ia au vakaloloma qai dravudravua.
Me kauaitaki au mada ga o Jiova.
Oni dau vukei au qai dau vakabulai au,+Noqu Kalou, ni kua ni berabera.+
iVakamacala e ra
^ Se “vosovoso ni waraki.”
^ Se “E cuva qai vakarorogo.”
^ Se “daulasulasu.”
^ Se “marautaka.”
^ Ipe., “na ivolavivigi ni ivola.”
^ Se “au gadreva.”
