Same 65:1-13
Vei koya na dairekita. Na sere i Tevita. Na sere.
65 Kemuni na Kalou, e waraki kemuni tu mai Saioni+ na veivakacaucautaki,Keimami na vakayacora na neimami bubului vei kemuni.+
2 Kemuni na Daurogo masu, era na lako mai vei kemuni na tamata* kece.+
3 Au sega ni taqea rawa na noqu cala,+Ia oni ubia na neimami valavala ca.+
4 E marau o koya oni digia qai kauta voleka maiMe mai tiko ena nomuni lomanibai.+
Keimami na vakamamautaki ena vinaka ni nomuni vale,+Na nomuni valenisoro tabu.*+
5 Oni na rogoci keimami ena cakacaka vakatubuqoroqoro+ ni yalododonu,Na Kalou na neimami ivakabula,O kemuni na Vu ni Nuidei ena iyalayala kece kei vuravura+Kei ira na tu yawa ena tai adua ni wasawasa.
6 Oni vakataudeitaka na veiulunivanua ena nomuni kaukaua,Oni vakaisulu ena kaukaua levu.+
7 Oni vakamaravutaka na wasawasa voravora,+Na vadugu ni kena veibiau kei na veilecayaki ni veimatanitu.+
8 Era na qoroya na nomuni ivakatakilakila na lewe ni veivanua tu yawa,+Oni na vakavuna mera kaila ena marau levu mai na icabecabe ni siga ina idromudromu ni siga.
9 Oni kauaitaka na vuravura,Oni vakavuna me vuavuaivinaka vakalevu,* qai sautu.+
Na uciwai mai vua na Kalou e sinai ena wai,Oni solia vei ira na covuata,+Ni oni a vakarautaka va qori na vuravura.
10 Oni vakasuasuataka na kena wenisiviyara qai vakatautauvatataka na kena qele sa siviyara tu,Oni vakamalumutaka ena tau ni uca, oni vakalougatataka na kena tubu.+
11 Oni vakaisalataka na yabaki ena nomuni yalovinaka,Na nomuni sala e vuabale ena sautu.*+
12 Na veico ni vanua talasiga e vuabale tiko ga,*+Ra qai vakaisulu ena marau na veidelana.+
13 E robota na veico na qelenimanumanu,Qai ubia na veibuca* na covuata.+
Era kaila ena qaqa, io, era lagasere.+
iVakamacala e ra
^ Ipe., “lewe kece ga.”
^ Se “nomuni tikina tabu.”
^ Ipe., “vakavuna me vuabale.”
^ Ipe., “e titiri kina na uro.”
^ Ipe., “e tuturu.”
^ Se “vanua lolovira.”
