Na inaki ni brochure Vakarorogo Vua na Kalou me vakarawarawataka nodra vulica na ka dina o ira na sega ni kila vinaka na wilivola. E tiko na iyaloyalo ena tabana kece e caka kina na vuli, e tiko tale ga na ivakatakilakila me dusia na veitaravi ni iyaloyalo.

E tautauvata na iyaloyalo e tiko ena brochure Vakarorogo Vua na Kalou mo Bula Tawamudu kei na Vakarorogo Vua na Kalou. Ia e tiko na ivakamacala ena Vakarorogo Vua na Kalou mo Bula Tawamudu, era rawa ni vulica na gonevuli era kila toka na wilivola. Era taleitaka na dautukutuku mera vakayagataka na brochure qori mera veivakavulici kina nira vakayagataka na gonevuli na Vakarorogo Vua na Kalou. E tiko na kato ena levu na tabana, e tiko kina eso tale na ikuri ni ivakamacala me veivosakitaki, ia me vakatau ena nona tobotobo o gonevuli.

E rawa ni soli e veigauna na brochure ruarua qo, ke sega mada ga ni vula e dodonu me soli kina. Ni o caka vuli, vakayagataka na iyaloyalo mo vakamacalataka kina na ka e tukuna na iVolatabu. Taroga tiko na taro me rawa ni vakaitavi tale ga o gonevuli, mo vakadeitaka kina ni sa matata vua na ka e vulica. Wilika qai veivosakitaka na tikinivolatabu e toka e ra ena tabana yadua. Ni drau vakacavara na brochure, me vulici Na Cava Mada e Kaya na iVolatabu? se Na Cava Eda na Vulica ena iVolatabu? me vukei gonevuli me toso me rawa ni papitaiso.