Ni dredre na vaqara cakacaka, ena rairai dredre meda vakaliuca na Matanitu ni Kalou kei na nona yalododonu. Eda na rairai temaki meda cakava na cakacaka ena vakadredretaka noda qaravi Jiova, se beci kina na ivakavuvuli vakaivolatabu. Ia eda nuidei ni o Jiova ena vakaraitaka nona kaukaua “vei ira e taucoko vua na lomadra.” (2Ve 16:9) E sega ni dua na ka ena vakadredretaka nona vukei keda na Tamada dauloloma qai vakarautaka na ka eda gadreva. (Rom 8:32) O koya gona, nida vakatulewataka na ka e vauca na cakacaka, meda nuitaki Jiova qai vakaliuca tiko ga noda qaravi koya.—Sm 16:8.

SARAVA NA VIDIO QARAVI JIOVA ENA NOMU VINAKA TAUCOKO, QAI SAUMA NA TARO QO:

• Na cava e sega ni taura kina o Jesoni na veivaqumi?

• Na cava eda vulica ena Kolosa 3:23?

• E uqeti Tomasi vakacava na ivakaraitaki vinaka i Jesoni?

• Na cava eda vulica ena Maciu 6:22?