1 | Masu—“Biuta Vua na Nomuni Lomaocaoca Kece”
E KAYA NA IVOLATABU: “Biuta vua [Kalou] na nomuni lomaocaoca kece, ni kauaitaki kemuni o koya.”—1 PITA 5:7.
Kena iBalebale
E sureti keda na Kalou o Jiova meda talaucaka vua na ka kece eda lomaleqataka. (Same 55:22) Eda rawa ni masulaka vua na noda leqa se mani levu se lailai. Nida kauaitaka na noda leqa, o Jiova tale ga ena raica vakabibi. E bibi dina na masu nida na vakila kina na vakacegu ni vakasama.—Filipai 4:6, 7.
Sala e Yaga Kina
Eda na rawa ni galili nida vakila na ituvaki dredre ni vakasama. Ena rawa nira sega ni kila vinaka eso tale na veika eda sotava. (Vosa Vakaibalebale 14:10) Ia nida masulaka vua na Kalou na ivakarau ni lomada, ena kila vinaka na keda ituvaki ena rogoci keda tale ga. E raici keda tu o koya, e kila vinaka tale ga na noda rarawa kei na veika dredre eda sotava. E vinakata gona meda talaucaka vua na ka kece eda lomaleqataka.—2 Veigauna 6:29, 30.
Nida masu vei Jiova eda vakadeitaka kina ni kauaitaki keda. Me vakataki koya na daunisame eda rawa tale ga nida masuta: “Oni sa raica na noqu rarawa, oni kila tu na levu ni noqu leqa.” (Same 31:7) Noda kila ni raica vinaka tu o Jiova na veika dredre eda sotava, ena rawa ni vukei keda meda kua ni soro. E sega wale ga ni raica, ia e kila vinaka sara na keda ituvaki qai vakarautaka nona Vosa na iVolatabu me veivakacegui qai vakayaloqaqataki keda.
Rawa ni o Wilika Tale ga
NA VALE NI VAKATAWA
Na Cava mo Cakava me Rogoci Kina na Nomu Masu?
Eda rawa ni vosa vua na Kalou ena vanua cava ga eda tu kina, kei na gauna cava ga. Eda rawa ni masu vua vakadomoilevu se masu lo. E vukei keda mada ga o Jisu ena ka meda tukuna.
VAKAMACALATAKI NA TIKINIVOLATABU
iVakamacala ni Aisea 41:10—“Kua ni Rere, Niu Tokoni Iko”
E vakayagataka o Jiova e tolu na vosa me vakadeitaka ni na tokoni ira tiko ga nona dauveiqaravi yalodina.
ESSENTIAL BIBLE TEACHINGS
E Rogoca na Masu Kece na Kalou?
Vakacava ke dua e nanumi koya ga ena nona masu? Vakacava ke vakalolomataki watina e dua na tagane, oti qai kerea me vakalougatataki koya na Kalou?
RA TAROGA NA ITABAGONE
Na Cava e Bibi Kina na Masu?
E dua wale ga na sala ni veivakacegui na masu se tiko eso tale na kena yaga?
NA VALE NI VAKATAWA
E Dau Rogoca na Kalou Noda Masu?
E tukuna vei keda na iVolatabu ni rogoca na Kalou na noda masu ena sala e vakadonuya.
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
