E VAKADONUI ena Lawa me cabori vei Jiova na kukuru kei na ruve. E dau cavuti vata tu ga na rua na manumanuvuka qo ena lawa me baleta na isoro, ia e rawa ni vakayagataki e dua ga vei rau. (Vunau 1:14; 12:8; 14:30) Na cava e vinaka kina qori? Dua na vuna ya ni dredre me kune na kukuru. Baleta?

Na kukuru e dau veitokiyaki, era tiko ena vanua taucoko o Isireli ena vulaikatakata. Ena Okotova, ena vuka ina veivanua katakata ena ceva ra qai lesu i Isireli ena vulaitubutubu. (Sere 2:11, 12; Jere. 8:7) Kena ibalebale ena dredre vei ira na Isireli ena gauna vakaivolatabu mera cabora na kukuru ena vulaibatabata.

Ia na ruve e sega ni dau veitokiyaki, kena ibalebale ena tu ga e Isireli ena yabaki taucoko. Kena ikuri e dau susu na ruve. (Vakatauvatana Joni 2:14, 16.) E tukuna na ivola me baleta na kau kei na manumanu ena gauna vakaivolatabu (Bible Plants and Animals), “ni susu na ruve ena koro kei na tauni kece e Palesitaina. Na itaukeinivale yadua e tara nodra vale na ruve, se tiko na qara e lalaga mera tiko kina na manumanuvuka qo.”—Vakatauvatana Aisea 60:8.

E vakaraitaka gona o Jiova ni dauloloma, e yalorawarawa tale ga ni vakadonuya na isoro manumanuvuka e tu vakarawarawa vei ira na Isireli ena yabaki taucoko.