O bau wilika vinaka na itabataba ni Vale ni Vakatawa era se qai tabaki oti ga? Raica mada ke o rawa ni sauma e vica na taro qo:

Na cava e vakatara kina o Jiova na ivalu e Isireli makawa?

E yalololoma o Jiova. Ia ena so na ituvaki, e vakatara na ivalu ni sa takalevu na ivalavala ca kei na ivalavala tawadodonu e rawa ni vakaleqa nodra bula nona tamata. Na Kalou ga e lewa o cei mera vakaitavi ena ivalu kei na gauna me vakayacori kina.—w15 1/11, t. 4-5.

Na ka bibi cava mera cakava na itubutubu nira tuberi luvedra itabagone mera qaravi Jiova?

Bibi mera lomani luvedra itabagone, mera yalomalumalumu tale ga ena nodra ivakaraitaki. Mera yalomatua tale ga na itubutubu, mera saga mera kilai ira vinaka na luvedra.—w15 15/11, t. 9-11.

Na cava e sega kina ni isosomi kei Pita na tui tabu?

E sega ni tukuni ena Maciu 16:17, 18 ni ulu ni ivavakoso vaKarisito na yapositolo o Pita. Na iVolatabu e sega ni vakamacalataka ni lesi o Pita ena dua na itavi cecere, e tukuna ga ni o Jisu na vatu ni tutunivale ni ivavakoso. (1 Pita 2:4-8)—w15 1/12, t. 12-14.

Na cava meda nanuma tiko ni bera nida vosa?

Me rawa ni veiuqeti na yameda, bibi meda nanuma tiko na (1) gauna meda vosa kina (Dauv. 3:7), (2) ka meda tukuna (Vkai. 12:18), kei na (3) ivakarau ni noda vosa (Vkai. 25:15).—w15 15/12, t. 19-22.

Na ivalavala sega ni daudina cava meda qarauna na lotu vaKarisito?

Eda na sega ni lasu na lotu vaKarisito dina se vakaucaca. Eda na sega ni vakauta e dua na itukutuku lasu, se vakararawataka eso tale, eda na sega tale ga ni veidabui se butako.—wp16.1, t. 5.

O cei o ira na “iliuliu ni bete” e cavuti ena iVolatabu?

Na matavosa “iliuliu ni bete” e dusi ira na veiliutaki ena veiqaravi vakabete, okati kina o ira na veiqaravi tu vakabete levu era sa vakacegui.—wp16.1, t. 10.

Na cava meda cakava ke dua e vakayagataka na waini kei na madrai ena iVakananumi?

Eda na sega ni vakalevulevui koya. O koya e lumuti dina ena sega ni vinakata me vakalevulevui; se kaburaka wavoki nona veiwekani kei na Kalou. (Maciu 23:8-12) —w16.01, t. 23-24.

Na cava eda vulica ena nodrau veitokani o Jiova kei Eparama?

E vulica na veika me baleti Jiova o Eparama, de dua e vakavulici koya kina o Semi. E vulica o Eparama na ka e cakava vua o Jiova kei na nona vuvale. Eda rawa ni cakava tale ga qori.—w16.02, t. 9-10.

A vidai vakacava na iVolatabu me tiko na kena wase kei na tikina?

Ena ika13 ni senitiuri, a vida vakawase na iVolatabu o Stephen Langton e dua na italatala. Era se wasewasea makawa sara na vunivola ni Jiu na tikinivolatabu ena iVolatabu vakaIperiu. Ia ena ika16 ni senitiuri sa qai cakava tale ga qori o Robert Estienne ena iVolatabu vaKirisi.—wp16.2, t. 14-15.

Vakacava e kauti Jisu o Setani ina valenisoro me temaki koya?

Eda sega ni vakadeitaka qori. E rawa ni vakaibalebaletaka na Maciu 4:5 kei na Luke 4:9 ni a kau e kea ena raivotu o Jisu se duri tu ena dua na vanua cere ena yasa ni valenisoro.—w16.03, t. 31-32.

Sala cava e vaka kina na tegu nomu cakacaka vakaitalatala?

E lutu vakamalua na tegu, e veivakabulabulataki qai veivakacegui. Na tegu e nona veivakalougatataki na Kalou. (Vkru. 33:13) E va tale ga qori na noda gugumatua ena cakacaka vakaitalatala na dauveiqaravi kece ni Kalou.—w16.04, t. 4.