O bau wilika vinaka na itabataba ni Vale ni Vakatawa se qai tabaki oti ga? Raica mada ke o rawa ni sauma e vica na taro qo:

Na cava na va na ka meda cakava me vinaka kina noda lagasere?

Duri vakadodonu qai taura cake noda ivolanisere. Meda cegu vinaka. Meda dalaga nida lagasere, ena rogo levu kina na noda lagasere.—w17.11, t. 5.

Na cava eda qoroya me baleta na vanua e tiko kina na koro ni idrodro e Isireli kei na kedra gaunisala?

E ono na kena koro ni idrodro, e vinaka tale ga na kena gaunisala. Ena rawa ni raica totolo e dua, e vanua veiganiti tale ga.—w17.11, t. 14.

Na cava e iloloma vinaka duadua kina ni Kalou vei keda na ivoli i Jisu?

E vakaceguya na noda gagadre meda bula tiko ga, eda rawa ni sereki kina mai na ivalavala ca kei na mate. Ni lomani keda na kawa i Atama na Kalou, e soli Jisu kina ena vukuda nida se valavala ca.—wp17.6, para. 6-7.

E dusia vakacava na vakaturi i Jisu na Same 118:22?

A cati o Jisu ni Mesaia qai vakamatei. Me rawa ni “vatu ni ivakadei ena tutunivale,” ena vinakati me vakaturi.—w17.12, para. 9-10.

Vakacava e basika na Mesaia ena iyatukawa ni ulumatua?

Ena so na gauna ena donuya na ulumatua na iyatukawa i Jisu, so tale na gauna ena sega. O Tevita e sega ni ulumatua nei Jese, ia e qai basika na Mesaia ena nona iyatukawa.—w17.12, para. 14-15.

Na cava eso na ivakavuvuli vakavuniwai e laurai ena iVolatabu?

E tukuni ena Lawa, mera tiko vakatikitiki o ira na tauvi ira eso na mate. O ira na tara na yagonimate mera dau vuluvulu. E tukuni ena Lawa me bulu na valelailai. E vinaka me caka ena ikawalu ni siga na cili ni rawa ni cevata na dra.—wp18.1, t. 7.

Na cava e sega ni cala kina meda dau lomani keda na lotu vaKarisito?

Meda lomana na kainoda me vaka ga noda lomani keda. (Mari. 12:31) O ira na tagane vakawati mera “lomani watidra me vaka ga na nodra lomana na yagodra.” (Efeso 5:28) E macala ni rawa ni laurai tale ga na yalo ni nanumi keda ga.—w18.01, t. 23.

Na cava mo cakava mo toso kina vakayalo?

E vinakati mo vulica na Vosa ni Kalou, vakasamataka vakatitobu qai muria na ka eda vulica. Me uqeta tale ga nomu vakasama kei na lomamu na yalo tabu, muria nodra ivakasala eso tale.—w18.02, t. 26.

Na cava era sega ni nuitaki kina na dauraikalokalo kei na daurairai ena kena kilai na gauna se bera mai?

E levu tu na vuna, ia na vuna levu duadua ni vakacala na iVolatabu na rua na ivalavala qori.—wp18.2, para. 4-5.

Me vakacava noda rai nida vakadonuya na veisureti ina kana?

Ke da vakadonuya e dua na veisureti, meda dina ena noda vosa. (Same 15:4) Meda kua ni vakadaroya tu ga qai sega na kena yavu. De dua sa vakavakarau vinaka sara tu ga o koya e veisureti.—w18.03, t. 18.

Na cava era vulica vei Timoci na tagane era lesi?

E dau veikauaitaki o Timoci, dau vakaliuca na veika vakayalo. E gumatua ena veiqaravi tabu, e vakayagataka na veika e vulica. E dau vakarautaki koya, e nuitaka tale ga na veitokoni ni yalo tabu i Jiova. Rawa nida vuli kece ena nona ivakaraitaki, bau kina o ira na qase ni ivavakoso.—w18.04, para. 13-14.