Saumi na Taro Vakaivolatabu
E vu mai vei na Tevoro?
Na Kalou a sega ni buli koya na Tevoro. Ia bulia ga e dua na agilosi, mani talaidredre qai yaco me Tevoro, e kilai tale ga me o Setani. A tukuna o Jisu ni a daudina tu ena dua na gauna na Tevoro qai tawacala. Koya gona, na Tevoro a dua tu na agilosi yalodina ni Kalou.—Wilika Joni 8:44.
A veisau vakacava e dua na agilosi me Tevoro?
Na agilosi a qai yaco me Tevoro, a vakatulewataka sara ga me saqata na Kalou qai vecei rau na imatai ni veiwatini me rau muri koya. A veisautaki koya kina me o Setani, kena ibalebale “Dauveivorati.”—Wilika Vakatekivu 3:1-5; Vakatakila 12:9.
Na agilosi a veisautaki koya me Tevoro, e vakataki ira ga na vo ni ibulibuli vakayalo uasivi ni Kalou, ni tu tale ga vua na galala ni vakatulewa me vakayacora na ka vinaka se ka ca. Ia e bucina e lomana me sokaloutaki. E sega ni via vakamarautaka na Kalou, e vinakata ga vakalevu me vakalagilagi.—Wilika Maciu 4:8, 9; Jemesa 1:13, 14.
Sala cava e vakacalai ira tiko kina na kawatamata na Tevoro? Mo rerevaki koya beka? O rawa ni kila na isaunitaro qori ena iVolatabu.
Rawa ni o Wilika Tale ga
SAUMI NA TARO VAKAIVOLATABU
Vakacava Eda Rawa ni Vorata na Tevoro?
E dau veivakamuai vakacava na Tevoro? O rawa ni vorata vakacava na nona ivadi?
NA VALE NI VAKATAWA
Meda Rerevaki Setani?
Vakarautaka na Kalou e va na sala meda taqomaki keda mai na veivakacacani i Setani.
