35

Kærleikans mangan betri vegur

(1 Korintbræv 13)

1. Gud er kærleiki, hann vísir á ein mangan betri veg:

Kærleiki til Gud og næstan má í øllum merkja teg!

Um vit áttu trúgv og vitan, inn í framtíð dugdu sjá,

var alt hetta tó sum einki, um ei kærleiki var hjá.

2. Alla tíð vit Gudi tæna, tola trongdir, háð og spott,

lítið tó alt hetta batar, er ei hjartað reint og gott.

Kærleikin er mildur, góður, einki reyp har hóska vil,

tí frá Gudi sjálvum kemur vit og fatan okkum til.

3. Kærleikin er ikki firtin, skýggjar illan, rangan veg,

tolir alt og um ta reinu sannleiksglæmu frøir seg.

Trúgvin, kærleikin og vónin — trý, ið altíð vara við;

fremstur teirra vil tó vera vegur Guds, hans kærleiki.