Sum tað er gott, at vit hava fingið eitt nýtt hefti og eina nýggja bók til at leiða bíbliulestrar! Vit biðja Jehova signa okkara tænastu, so vit kunnu gera nógv fleiri fólk til lærisveinar. (Mt 28:18-20; 1Kor 3:6-9) Hvussu brúka vit hesi nýggju amboðini?

Bíbliuskeiðið Eitt gott lív nú og í allar ævir er ein heilt nýggjur máti at undirvísa upp á, so fylg hesum ráðunum, tá ið tú fyrireikar teg til og leiðir bíbliulestrar. *

• Les tilfarið, og tosa um spurningarnar

• Les ørindini, har tað stendur „les“, og hjálp næminginum at skilja, hvat vit kunnu læra av teimum

• Hygg at videonum, og brúka spurningarnar, sum standa í tilfarinum, til at tosa um tað

• Royn at gjøgnumganga ein heilan part hvørja ferð

Tá ið tú ert í boðanini, skalt tú byrja við at bjóða heftið fyri at vita, hvussu áhugað fólk eru. (Sí rammuna „ Hvussu bjóða vit heftið Eitt gott lív nú og í allar ævir á fyrstu vitjan?“) Um tit blíva liðug at lesa heftið saman, og næmingurin hevur hug at halda fram, kanst tú geva honum bókina og byrja við parti 04. Viss tú lesur bøkurnar Hvat lærir Bíblian? ella ’Haldið tykkum í kærleika Guds’ við onkrum, skalt tú skifta til bókina Eitt gott lív nú og í allar ævir og gera av, hvar tit skulu byrja í henni.

HYGG AT VIDEONUM VÆLKOMIN Á BÍBLIUSKEIÐ, OG SVARA SÍÐANI HESUM SPURNINGUM:

• Hvat fara næmingar at læra í nýggju bókini?

• Hví er tað gott at vísa nýggjum næmingum hetta videoið?

• Hvørji mál skalt tú hjálpa næminginum at seta sær og røkka so við og við, sum tit lesa bókina? – Sí yvirlitið „ Endamál og mál í hvørjum høvuðsparti“