Xójlágɔnu e nɔ nyí Catholic News Service é ɖɔ ɖɔ, ɖo nǔwiwa ɖé hwenu ɖo 25 mars 2022 ɖo amǐsaxwé e nɔ nyí Saint-Pierre é ɔ, pápa François cí te ɖo ɖiɖe Mali tɔn nukɔn bo “myɔ nukún bo do kɔ do lobo xo ɖɛ dó xomɛ.” É “sa vo nú Mali” ɖɔ é ní hɛn fífá wá. Xójláwéma e nɔ nyí Vatican News é sín gbeɖíɖó ɖé ɖɔ gɔ́ ná ɖɔ “pápa ɔ xo ɖɛ bo sɔ́ gbɛtɔ́ lɛ́ bǐ, tají ɔ, mɛ e ɖo Russie kpó Ukraine kpó lɛ́ é, d’así nú Ayi Mímɛ́ Mali tɔn.”

 Étɛ́ a ka lin? É ka sɔgbe ɖɔ è ní cí te ɖo ɖiɖe lɛ́ nukɔn bo xo ɖɛ, alǒ zán ɖiɖe dó sɛn Mawu a? Lin tamɛ dó wěmafɔ Biblu tɔn e bɔ d’é wú lɛ́ é jí:

•   “Ma kpa bǒcyɔ ó; ma ka kpa nǔ e ɖo jǐnukúnsin aga lɛ́, nǔ e ɖo ayǐkúngban jí ɖo do lɛ́, nǔ e ɖo sin mɛ ɖo ayǐkúngban glɔ́ lɛ́ ɖě sín akpajlɛ́ ó. Ma jɛ kpo bo ɖe kɔ́ nú yě ó; ma sɛn yě ó, ɖó nyɛ Mawu Mavɔmavɔ, Mawu towe ɔ, un nɔ ba gbeɖé ɖɔ a ní sɛn nǔ ɖěvo zɛ nyɛ wú ǎ.”—Tíntɔ́n 20:4, 5.

•   “Vodún yětɔn lɛ́ ɔ, siká kpó kpatágan kpó wɛ è nɔ dó bló yě; gbɛtɔ́ sín nǔwiwa kpowun wɛ. Nu ɖo ta yětɔn wú, yě ka nɔ ɖɔ xó ǎ. Nukún ɖo ta yětɔn wú, yě ka nɔ mɔ nǔ ǎ. Tó ɖo ta yětɔn wú, yě ka nɔ se nǔ ǎ. Awɔntín ɖo ta yětɔn wú, yě ka nɔ se nǔ wán ǎ. Yě ɖó alɔ, yě ka nɔ sixú ɖó alɔ nǔɖé wú ǎ. Yě ɖó afɔ, yě ka nɔ sixú ɖi zɔnlin ǎ. Xó ɖé nɔ tɔ́n sín vɛ̌gokan yětɔn mɛ ǎ. Mɛ e nɔ bló vodún énɛ́ lɛ́ ní cí vodún e yě bló lɛ́ ɖɔhun, mɛ e nɔ gán jɛ yě wú lɛ́ ní cí yě ɖɔhun.”—Ðɛhan 115:4-8.

•   “Nyi wɛ nyí Mawu Mavɔmavɔ; mɔ̌ wɛ nyǐkɔ ce nyí; susu e nyí ce ɔ, un nɔ jó dó nú mɛɖé ǎ. Un ka nɔ jó yɛ̌yi e nyí ce ɔ dó nú bǒcyɔ ɖé ǎ.”—Ezayíi 42:8.

•   “Mi ma sɛn vodún ó.”—1 Kɔlɛ́ntinu lɛ́ 10:14.

•   “Mi cɔ́ miɖée dó bǒcyɔ lɛ́ wú.”—1 Jaan 5:21, nwt.

 Nú a ná ɖó mɔjɛmɛ dó nǔ e Biblu ɖɔ dó ɖiɖe lɛ́ zínzán dó sɛn Mawu é wú d’é jí hǔn, xa xóta “D’après la Bible : Les images religieuses” alǒ kpɔ́n video Mawu nɔ yí gbe nú ɖiɖe lɛ́ zínzán dó sɛn ɛ wɛ a?

 Nǔ e Biblu ɖɔ dó xóta élɔ́ lɛ́ wú lɛ́ é sixú lɛ́vɔ́ jɛjí nú we:

•   “Étɛ́ Biblu ka ɖɔ dó nyɔ̌nu ɖo alɔjí Mali wú?”

•   “Devrait-on prier la Vierge Marie?”

•   “Miracles et apparitions — Des manifestations divines ?”

•   “Nɛ̌ fífá ka ná wá ayǐkúngban jí gbɔn?”

Photo credit: Vincenzo Pinto/AFP via Getty Images