Jezu tuun nǔ e è ní se wǔvɛ́, ɖó dǎkaxixo alǒ nǔagɔwaxámɛ wútu nyí é. È dó hwɛ ɛ, è xo è dó dǎka mɛ, è dɔn ɛ yi hwɛ nukɔn dó acɛ jí, è ɖó hwɛ agɔ n’i, bɔ é kú wǔvɛ́ kú. Xomɛvɔ́nɔ wɛ é nyí có, é sɔ́ jlǒ dó “sɔ́ gbɛ tɔn jó dó xɔ gbɛ nú mɛ gěgé.” (Matíe 20:28; Jaan 15:13) Ðó é nyí Axɔ́sú nú Axɔ́súɖuto Mawu tɔn din wútu ɔ, é ná bló bɔ hwɛjijɔ ná tíin gbɔn ayǐkúngban ɔ bǐ jí zaanɖé din, bo ná ɖó nǔ dǎkaxixo nu azɔn ɖokpó bɔ xó fó.—Ezayíi 42:3.

 Biblu tín lěe gbɛ ɔ ná cí hwenu e Jezu ná wa nǔ énɛ́ lɛ́ é mɛ gbɔn lě:

•   “Zaanɖé din ɔ, mɛdídá sɔ́ ná ɖe ǎ; a nyi kɔ kpɔ́n fí e é nɔ ɔ, a sɔ́ ná mɔ ɛ ǎ. To ɔ ka ná nyí mɛ e nɔ sɔ́ yěɖée hwe lɛ́ tɔn, bɔ fífá ma ɖó dogbó e yě ná mɔ ɔ wɛ ná nyí nǔ e ná nɔ́ víví nú yě é.”—Ðɛhan 37:10, 11.

 Nɛ̌ mǐ ka sixú xlɛ́ ɖɔ nǔ e Jezu ko wa nú mǐ, bo ná lɛ́ wá wa nú mǐ lɛ́ é su nukún mǐtɔn mɛ gbɔn? Ðo xó e ɖo Luki 22:19 mɛ lɛ́ é mɛ ɔ, Jezu ɖɔ nú ahwanvú tɔn lɛ́ ɖɔ yě ní nɔ flín kú émítɔn. Nǔ e wú Kúnnuɖetɔ́ Jexóva tɔn lɛ́ nɔ kplé ɖó kpɔ́ xwewú xwewú tɛgbɛ ɖo xwekpéxwenu kú Klísu tɔn tɔn é nɛ́. Mǐ ylɔ́ we ɖɔ a ní wá gɔ́ nú mǐ ɖo kú Klísu tɔn flínflín núwiwa ɔ domɛ ɖo dimanche 24 mars 2024.

Ba fí e è ná flín kú Jezu tɔn ɖe é ɖé