ZĚ HWIÐÉE BǏ JÓ NÚ MAWUXÓÐIÐƆZƆ́ Ɔ | BLǑ BONU AWǍJIJƐ TOWE NI JƐJI ÐÒ SINSƐNZƆ́ Ɔ MƐ
D’alɔ Biblu Kplɔntɔ́ Towe lɛ Bonu Ye Ni Nɔ Wá Kplé Lɛ
Kplé agun tɔn lɛ nyí akpáxwé taji ɖé ɖò sinsɛn mímɛ́ ɔ mɛ. (Ðɛ 22:23) Mɛ e nɔ kplé bo nɔ sɛn Jehovah lɛ é bǐ nɔ mɔ awǎjijɛ kpo nyɔna kpo gegě. (Ðɛ 65:5) Enyi Biblu kplɔntɔ́ lɛ nɔ yì kplé lɛ ɖò gbesisɔmɛ ɔ, hwɛhwɛ ɔ, ye nɔ yawǔ yì nukɔn.
Nɛ̌ a ka sixu d’alɔ Biblu kplɔntɔ́ towe lɛ bɔ ye na nɔ wá kplé lɛ gbɔn? Nɔ ɖò ye ylɔ́ wá kplé lɛ wɛ. Nɔ xlɛ́ ye video Nɛ̌ Nǔ lɛ ka Nɔ Yì Gbɔn Ðò Kpléxɔ Axɔ́suɖuto ɔ Tɔn ɖé Mɛ? Nɔ tinmɛ lè e ye na mɔ ɖò kplé lɛ yiyi mɛ é nú ye. (lff nǔkplɔnkplɔn 10) A sixu má nǔ taji e a kplɔ́n ɖò kplé ɖé jí é xá ye, alǒ tinmɛ nǔ e jí è na ɖɔ xó dó ɖò kplé e ja é ɖé hwenu é nú ye. Sɔ́ wema e jí è na ɖɔ xó dó lɛ é nú nǔkplɔntɔ́ towe lɛ. Nɔ lɛ́ d’alɔ ye ɖò ali tawun tawun lɛ nu. Boya ye ɖó hudo mɛ e na kplá ye yì kplé lɛ é tɔn. Enyi Biblu kplɔntɔ́ towe wá kplé azɔn nukɔntɔn ɔ, a na mɔ ɖɔ gǎn ɖebǔ e a dó é sɔmɔ̌ kɔ.—1Kɔ 14:24, 25.
KPƆ́N VIDEO D’ALƆ BIBLU KPLƆNTƆ́ TOWE LƐ BONU YE NI NƆ WÁ KPLÉ LƐ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:
-
Ninɔmɛ tɛ Ana ka zán dó ylɔ́ Jaké wá kplé?
-
Etɛwu mǐ ka nɔ ɖó awǎjijɛ hwenu e Biblu kplɔntɔ́ ɖé wá kplé lɛ é?
-
“Mawu ɖò tɛntin mitɔn nǔgbo”
Etɛ Jaké ka mɔ azɔn nukɔntɔn e é yì kplé é?
