Ðò hwenuxó mɛ ɔ, mɛsɛntɔ́ Mawu tɔn lɛ wà nǔ e jiwǔ lɛ é, é ka nyí kpo nǔwukpíkpé yeɖesunɔ tɔn kpo ǎ, loɔ, Jehovah wɛ d’alɔ ye. Ðò 1954 ɔ, tutoblonunu Jehovah tɔn ɖè fímu e xóta tɔn nyí Lee Tutoblonunu Jehovah Tɔn Nɔ W’azɔ̌ Gbɔn É tɔ́n. Gegě ɖò mɛ e bló lɛ é mɛ wɛ nɔ w’azɔ̌ ɖò Betɛli, bo ka mɔ nǔ ɖebǔ kpɔ́n ɖò fímu biblo linu ǎ. Gbigbɔ mímɛ́ Jehovah tɔn kɛɖɛ wɛ nyí tɔn bɔ è kpé azɔ̌ kpinkpɛn enɛ wu bo wà. Enɛ na mǐ ganjɛwu ɖɔ enyi mǐ nɔ ɖeji dó Jehovah wu ɔ, mǐ sixu kpé azɔ̌ ɖebǔ e è na ɖè nú mǐ é wu bo wà, b’ɛ na kpa mǐ.—Zak 4:6b.

KPƆ́N VIDEO TAN VIDEO “LEE TUTOBLONUNU JEHOVAH TƆN NƆ W’AZƆ̌ GBƆN É” TƆN Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Etɛwu è ka wá gbeta ɔ kɔn bo na bló fímu ɖé dó hɔ̌nkan gbɛ̀ ɔ tɔn mǐtɔn wu?

• Nɛ̌ fímu ɔ ka xlɛ́ ɖɔ Betɛli cí agbaza gbɛtɔ́ tɔn ɖɔhun gbɔn?—1Kɔ 12:14-20

• Wuvɛ̌ tɛ lɛ nɔví lɛ ka mɔ hwenu e ye ɖò fímu ɔ bló wɛ é? Nɛ̌ ye ka ɖu ɖò ye jí gbɔn?

• Etɛ nǔ enɛ e jɛ é ka kplɔ́n mɛ dó gbigbɔ mímɛ́ Jehovah tɔn wu?