NǓKPLƆNKPLƆN 06
Nɛ̌ Gbɛ̀ ka Bɛ́ Gbɔn?
“[Mawu] gɔ́n wɛ gbɛ̀ ɔ jɔ sín.” (Ðɛhan 36:10) A ka ɖi enɛ à? Mɛɖé lɛ ɖɔ ɖɔ gbɛɖotɔ́ ɖě kún ɖè ó. Enyi mɔ̌ wɛ hǔn, nǔkpédónǔnu ɖé kpowun wɛ zɔ́n bɔ mǐ tíìn nɛ. Amɔ̌, nú Jehovah Mawu wɛ dá gbɛ̀ ɔ hǔn, nǔɖe wu wɛ é na ko dá, kabǐ? a Kpɔ́n nǔ e tan Biblu tɔn ɖɔ dó fí e gbɛ̀ ɔ jɔ sín é wu é, bo lɛ́ kpɔ́n nǔ e wu tan enɛ nyí nǔgbo é.
1. Nɛ̌ wɛkɛ ɔ ka jɔ gbɔn?
Biblu ɖɔ: “Ðò bǐbɛ̌mɛ ɔ, . . . Mawu ɖó wɛkɛ ɔ.” (Bǐbɛ̌mɛ 1:1) Nǔnywɛ xwitixwitizɔ́watɔ́ gegě yí gbè ɖɔ wɛkɛ ɔ ɖó bǐbɛ̌. Nɛ̌ Mawu ka dá wɛkɛ ɔ gbɔn? É zán hlɔnhlɔn tɔn e é nɔ dó w’azɔ̌ na é, é wɛ nyí gbigbɔ mímɛ́ tɔn, dó bló nǔ e ɖò wɛkɛ ɔ mɛ lɛ é bǐ, kaka jɛ sunvísɛ́kplé lɛ, sunví lɛ, kpo planɛti lɛ kpo jí.—Bǐbɛ̌mɛ 1:2.
2. Etɛwu Mawu ka bló ayikúngban ɔ?
Jehovah “ɖó [ayikúngban ɔ] sɔ́ nyi vɔ̌ ǎ. Loɔ, é bló bɔ è na nɔ jí wɛ.” (Ezayíi 45:18) É bló planɛti mǐtɔn b’ɛ na nyí fí ɖagbeɖagbe ɖé, bɔ gbɛtɔ́ lɛ na nɔ kaka sɔyi. (Xà Ezayíi 40:28; 42:5.) Nǔnywɛ xwitixwiti ɖexlɛ́ ɖɔ ayikúngban ɔ kún kpé we ó. È ko sɔ́ mɔ planɛti ɖevo bonu nǔ e sín hudo gbɛtɔ́ ɖó bá nɔ gbɛ̀ lɛ é ɖ’eji ǎ.
3. Vogbingbɔn tɛ ka ɖò gbɛtɔ́ kpo kanlin kpo tɛntin?
Ee Jehovah bló ayikúngban ɔ gudo é ɔ, é bló nǔɖogbɛ lɛ ɖ’eji. Jɛ nukɔn hwɛ̌ ɔ, é bló gbehan lɛ kpo kanlin lɛ kpo. Enɛ gudo ɔ, “Mawu ɖó gbɛtɔ́ ɖó akpajlɛ éɖesunɔ tɔn mɛ.” (Xà Bǐbɛ̌mɛ 1:27.) Etɛwu gbɛtɔ́ ka gbɔn vo? Ðó Mawu dá mǐ ɖó akpajlɛ tɔn mɛ wutu ɔ, mǐ sixu ɖè jijɔ tɔn lɛ xlɛ́, ɖi wanyiyi kpo hwɛjijɔ kpo. É lɛ́ dá mǐ bɔ mǐ ɖó nǔwukpíkpé ɔ bo na kplɔ́n gbè lɛ, lobo lɛ́ ɖu vivǐ nǔ ɖagbe lɛ kpo nǔxixo lɛ kpo tɔn. Gɔ́ na ɔ, mǐ sixu sɛn Gbɛɖotɔ́ mǐtɔn, kanlin ɖebǔ ka sixu wà mɔ̌ ǎ.
BA DÒ NÚ NǓ D’EJI
Gbějé kúnnuɖenú ɖěɖee xlɛ́ ɖɔ gbɛ̀ ɔ dǎ wɛ è dá, bɔ tan nǔɖiɖó lɛ tɔn e ɖò Biblu mɛ é ka lɛ́ xwè ali é ɖé lɛ kpɔ́n. Kplɔ́n nǔ ɖěɖee jijɔ gbɛtɔ́ tɔn lɛ kplɔ́n mǐ dó Mawu wu lɛ é.
4. Gbɛ̀ ɔ dǎ wɛ è dá
È nɔ kpa susu nú gbɛtɔ́ lɛ nú nǔ e ye kpɔ́n dó nǔɖiɖó lɛ wu bo bló lɛ é. Enɛ wu ɔ, mɛ̌ è ka ɖó na kpa nǔ ɖěɖee wu ye nɔ kpɔ́n dó lɛ é sín susu na? Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Etɛ lɛ wu gbɛtɔ́ lɛ ka kpɔ́n nǔ dó ɖò nǔɖiɖó lɛ mɛ?
Nú è mɔ xwé ɖebǔ ɔ, mɛɖé jɛn ɖè wě tɔn bo gbá. Amɔ̌, mɛ̌ ka ɖè nǔ e ɖò wɛkɛ ɔ mɛ lɛ é sín wě bo bló? Xà Eblée lɛ 3:4, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛ ka jiwǔ nú we ɖò nǔɖiɖó lɛ mɛ?
-
É ka sɔgbe ɖɔ è ni ɖi ɖɔ dǎ wɛ e dá wɛkɛ ɔ kpo nǔ e ɖ’emɛ lɛ é bǐ kpo à? Etɛwu?
A ka tuùn à?
A sixu mɔ xóta lɛ kpo video lɛ kpo dó xó elɔ jí ɖò jw.org jí ɖò xóta ɖebɔdoɖewu “Dǎ Wɛ È Dá À?” kpo “Linlin E Mɛ lɛ Ðó Dó Fí E Gbɛ̀ ɔ Jɔ Sín É Wu É” kpo mɛ.
“Nǔgbo ɔ, è mɔ xɔ ɖé ɖò te hǔn, mɛɖé jɛn gbá; Mawu wɛ ka nyí mɛ e bló nǔ bǐ é”
5. Tan nǔɖiɖó lɛ tɔn e ɖò Biblu mɛ é xwè ali
Ðò Bǐbɛ̌mɛ wemata 1 mɛ ɔ, Biblu tinmɛ fí e ayikúngban ɔ kpo nǔ e ɖ’eji lɛ é kpo jɔ sín é. A ka sixu ɖeji dó tan enɛ wu à, kabǐ xɛxó ɖé kpowun wɛ? Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Biblu kplɔ́n mɛ ɖɔ è dá ayikúngban ɔ kpo nǔ e ɖ’eji lɛ é kpo ɖò azǎn ganxixo 24 tɔn ayizɛ́n vlamɛ wɛ à?
-
A ka lin ɖɔ tan nǔɖiɖó lɛ tɔn e ɖò Biblu mɛ é sɔgbe bo lɛ́ xwè ali à? Etɛwu?
Xà Bǐbɛ̌mɛ 1:1, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nǔnywɛ xwitixwitizɔ́watɔ́ lɛ ɖɔ ɖɔ wɛkɛ ɔ ɖó bǐbɛ̌. Etɛ a ka lin dó gbeta enɛ e kɔn ye wá é kpo nǔ e a xà dìn ɖò Biblu ɔ mɛ é kpo wu?
Mɛɖé lɛ nɔ kanbyɔ yeɖée ɖɔ Mawu bló bɔ nǔ lɛ jɔ nú yeɖée wɛ à jí. Xà Bǐbɛ̌mɛ 1:21, 25, 27, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Biblu kplɔ́n mɛ ɖɔ Mawu bló bɔ hweví lɛ, kanlin lɛ, kpo gbɛtɔ́ lɛ kpo jɔ nú yeɖée wɛ à? Alǒ dǎ wɛ é dá nǔɖogbɛ “tɛnmɛ tɛnmɛ lɛ” bǐ? b
6. Gbɛtɔ́ lɛ nyí nǔɖiɖó Mawu tɔn bǔnɔ ɖé
Mǐ gbɔn vo nú kanlin ɖěɖee Jehovah dá lɛ é. Xà Bǐbɛ̌mɛ 1:26, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Ðó Mawu dá mǐ ɖó akpajlɛ éɖesunɔ tɔn mɛ wutu ɔ, etɛ nǔwukpíkpé e mǐ ɖó bo nɔ ɖè wanyiyi kpo wuvɛ̌sexámɛ kpo xlɛ́ é ka ɖexlɛ́ dó mɛ alɔkpa e Mawu nyí é wu?
MƐÐÉ LƐ ÐƆ: “Xɛxó wɛ nyí tan nǔɖiɖó lɛ tɔn e ɖò Biblu mɛ é.”
-
Etɛ a ka lin? Etɛwu?
ETƐ LƐ A KA KPLƆ́N?
Jehovah dá wɛkɛ ɔ kpo nǔɖogbɛ lɛ bǐ kpo.
Vɔ̌gbɔnji
-
Etɛ Biblu ka kplɔ́n mǐ dó lee wɛkɛ ɔ jɔ gbɔn é wu?
-
Mawu bló bɔ nǔɖogbɛ tɛnmɛ tɛnmɛ lɛ jɔ nú yeɖée wɛ à, alǒ dǎ wɛ é dá ye bǐ?
-
Etɛwu gbɛtɔ́ ka gbɔn vo?
KÍJÉ
Kpɔ́n nǔ ɖěɖee ɖò wɛkɛ ɔ mɛ bo xlɛ́ ɖɔ Gbɛɖotɔ́ ɖé tíìn é ɖé lɛ.
Kpɔ́n lee tɔ́ ɖé tinmɛ tan nǔɖiɖó lɛ tɔn e ɖò Biblu mɛ é nú vǐ tɔn gbɔn é.
Kpɔ́n ɖɔ nǔkplɔnmɛ nǔ lɛ jɔ nú yeɖée tɔn ka sɔgbe xá Biblu à jí.
“Mawu Bló Bɔ Nǔɖogbɛ Tɛnmɛ Tɛnmɛ lɛ Jɔ nú Yeɖée Wɛ À?” (Xóta Ɛntɛnɛti jí tɔn)
Kpɔ́n ɖɔ xú hwexónu tɔn lɛ kpo dobanúnǔ nǔnywɛ xwitixwiti tɔn lɛ kpo ka xlɛ́ ɖɔ gbɛ̀ ɔ dǎ wɛ è dá alǒ é jɔ nú éɖée wɛ à jí.
Fí E Gbɛ̀ ɔ Jɔ Sín É: Nǔkanbyɔ E Jí È Sixu Lin Tamɛ Dó É Atɔ́ɔ́n (alɔnuwema)
a Nǔkplɔnkplɔn 25gɔ́ ɔ na ɖɔ xó dó linlin e Mawu ɖó nú gbɛtɔ́ lɛ é wu.
b Ðò Biblu mɛ ɔ, xógbe “tɛnmɛ tɛnmɛ” ɔ nɔ dó gesí gbɛ̌ta ɖaxó nǔɖogbɛ lɛ tɔn ɖé.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
